മസ്കത്ത്:ഒമാനിൽ ലൈസൻസ് ഇല്ലാതെ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് വിദ്യാഭ്യാസ മന്ത്രാലയം മുന്നറിയിപ്പ് നൽകി. 2024 സെപ്റ്റംബർ 5-നാണ് ഒമാൻ വിദ്യാഭ്യാസ മന്ത്രാലയം ഇത് സംബന്ധിച്ച അറിയിപ്പ് പുറത്തുവിട്ടത്.

അംഗീകൃത ലൈസൻസ് ഇല്ലാതെ അധ്യയനം നൽകുന്നതും, വിദ്യാഭ്യാസ സ്ഥാപനങ്ങൾ നടത്തുന്നതും നിയമലംഘനമാണെന്ന് മന്ത്രാലയം മുന്നറിയിപ്പ് നൽകിയിട്ടുണ്ട്. ഒമാനിലെ സ്‌കൂൾ എഡ്യൂക്കേഷൻ നിയമപ്രകാരം അംഗീകാരമില്ലാതെ സ്വകാര്യ വിദ്യാലയങ്ങൾ, ക്ലാസ്സ്മുറികൾ മറ്റു അധ്യയന പ്രവർത്തനങ്ങൾ എന്നിവ നടത്തുന്നത് ക്രിമിനൽ കുറ്റകൃത്യമാണെന്ന് മന്ത്രാലയം വ്യക്തമാക്കി.

ലൈസൻസ് ഇല്ലാതെ രാജ്യത്ത് അനധികൃതമായി പ്രവർത്തിക്കുന്ന വിദ്യാഭ്യാസ സ്ഥാപനങ്ങളുടെ വിവരങ്ങൾ അധികൃതരുമായി പങ്ക് വെക്കാൻ മന്ത്രാലയം ആഹ്വാനം ചെയ്തിട്ടുണ്ട്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: