തിരുവനന്തപുരം: പത്തനംതിട്ട മുന്‍ എസ്പി സുജിത് ദാസിനെ സര്‍വിസില്‍ നിന്ന് സസ്‌പെന്‍ഡ് ചെയ്യാന്‍ മുഖ്യമന്ത്രി പിണറായി വിജയന്‍ ഉത്തരവിട്ടു. എസ്പി ഗുരുതരമായ ചട്ടലംഘനം നടത്തിയെന്ന ഡിജിപിയുടെ റിപ്പോര്‍ട്ടിന്റെ അടിസ്ഥാനത്തിലാണ് മുഖ്യമന്ത്രി ഉത്തരവിറക്കിയത്. പിവി അന്‍വര്‍ എംഎല്‍എ പുറത്തുവിട്ട ഫോണ്‍ സംഭാഷണത്തിന് പിറകെയാണ് നടപടി. മലപ്പുറം മുന്‍ എസ് പി ആയിരുന്ന സുജിത് ദാസിനെതിരെ നടപടി സ്വീകരിക്കണമെന്നാവശ്യപ്പെട്ട് പ്രതിഷേധം ശക്തമായിരുന്നു. 

സുജിത് ദാസ് മലപ്പുറം എസ്പിയായിരിക്കെ ഔദ്യോഗിക വസതിയില്‍നിന്നു മരം മുറിച്ചുകടത്തിയെന്ന ആരോപണം നിലനില്‍ക്കുന്നുണ്ട്. ഇതുമായി ബന്ധപ്പെട്ട് പിവി അന്‍വര്‍ എംഎല്‍എ നിലവിലെ മലപ്പുറം എസ്പിക്കു നല്‍കിയ പരാതി പിന്‍വലിക്കണമെന്നാവശ്യപ്പെട്ടാണ് അന്‍വറിനെ സുജിത് ദാസ് ഫോണില്‍ ബന്ധപ്പെട്ടത്. ഈ ഫോണ്‍ സംഭാഷണമാണ് എംഎല്‍എ പുറത്തുവിട്ടത്.

Description: Sujith Das, the former SP of Pathanamthitta, has been suspended due to alleged misconduct. Stay updated on the latest developments and reasons behind the suspension.