പാപ്പനംകോട് തീപിടുത്തം; വൈഷ്ണക്കൊപ്പം മരിച്ചത് രണ്ടാം ഭര്ത്താവ് വിനുവെന്ന് പൊലിസ്; ഡിഎന്എ പരിശോധന നടത്തും
തിരുവനന്തപുരം: പാപ്പനംകോട് ന്യൂ ഇന്ത്യാ ഇന്ഷുറന്സ് കമ്പനിയിലെ തീപിടിത്തം, മരിച്ച രണ്ടാമത്തെയാള് വൈഷ്ണയുടെ രണ്ടാം ഭര്ത്താവ് ബിനുവെന്ന് പൊലീസ് നിഗമനം. സംഭവം കൊലപാതകമാണെന്ന് പൊലീസ് സ്ഥിരികരിച്ചു. ബിനു ഓഫീസിലേക്ക് നടന്നുപോകുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചു. മൃതദേഹം ബിനുവിന്റേതാണ് എന്ന് സ്ഥിരീകരിക്കാന് ഡിഎന്എ സാമ്പിള് ശേഖരിച്ചു.
ബിനുവാണ് വൈഷ്ണയെ മണ്ണെണ്ണ ഒഴിച്ച് തീകൊളുത്തിയതെന്നാണ് പൊലീസ് പറയുന്നത്. വൈഷ്ണയെ കുത്തിവീഴ്ത്തിയതിനുശേഷം തീകൊളുത്തുകയായിരുന്നു എന്ന സംശയവും നിലനില്ക്കുന്നു. സംഭവം നടന്ന മുറിയില് നിന്ന് ഒരു കത്തി കണ്ടെത്തിയിരുന്നു. വൈഷ്ണയുടെ ആദ്യ ഭര്ത്താവും ബിനുവും സുഹൃത്തുക്കളായിരുന്നു. ആദ്യ ഭര്ത്താവുമായി പിരിഞ്ഞതിനുശേഷം വൈഷ്ണ ബിനുവിനൊപ്പം താമസിക്കുകയായിരുന്നു. അതേസമയം കഴിഞ്ഞ ഏഴുമാസമായി വൈഷ്ണയും ബിനുവും അകന്ന് കഴിയുകയായിരുന്നു.
പാപ്പനംകോട്ടെ ഇന്ഷുറന്സ് സ്ഥാപനത്തില്വച്ച് ഇരുവരും മുന്പും വാക്കുതര്ക്കത്തില് ഏര്പ്പെട്ടിരുന്നു. ഇന്നലെ ഉച്ചയ്ക്ക് ഒന്നരയോടെയാണ് സംഭവം. തീപിടിത്തത്തെത്തുടര്ന്ന് ഓടിക്കൂടിയ നാട്ടുകാര് വെള്ളമൊഴിച്ച് തീ അണക്കാന് ശ്രമിച്ചെങ്കിലും ഫലമുണ്ടായില്ല. ഫയര്ഫോഴ്സ് എത്തിയാണ് പൂര്ണമായി തീ അണച്ചത്. എസി പൊട്ടിത്തെറിച്ചതോ ഷോര്ട്ട് സര്ക്യൂട്ടോ ആകാം തീപിടിത്തതിന് കാരണമെന്നായിരുന്നു പൊലിസിന്റെ പ്രാഥമിക നിഗമനം.
A devastating fire in Papannamkodu claims the lives of a couple, with police confirming the husband's identity as Vinu. Authorities to conduct DNA tests for further confirmation. Stay updated on this tragic incident.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."