ഇലക്ട്രിസിറ്റി ബില്‍ അടക്കാന്‍ പുത്തന്‍ സംവിധാനം അവതരിപ്പിക്കാന്‍ കെ.എസ്.ഇ.ബി. മീറ്റര്‍ റീഡിംഗിനെത്തുന്ന ജീവനക്കാര്‍ ബില്‍ തരുമ്പോള്‍ അവരുടെ കൈവശമുള്ള മെഷീന്‍ വഴി  പണം അടയ്ക്കാം. ഇതിലൂടെ ബില്ലടക്കാന്‍ കൗണ്ടറില്‍ പോകുന്ന ബുദ്ധിമുട്ടും, ഓണ്‍ലൈന്‍ വഴിയുള്ള ഇടപാടിനുള്ള ബുദ്ധിമുട്ടുകളും ഒഴിവാക്കാം. ഒക്ടോബര്‍ മുതലാണ് പുതിയ സംവിധാനം ആരംഭിക്കും. 

കനറാ ബാങ്കുമായി സഹകരിച്ചാണ് കെ.എസ്.ഇ.ബിയുടെ പുതിയ പദ്ധതി നടപ്പാക്കുക. കനറാബാങ്കിന്റെ സംവിധാനങ്ങളിലൂടെയാണ് സ്വകാര്യ ഫിന്‍ടെക് കമ്പനികളുടെ സ്‌പോട്ട് ബില്ലിംഗ് മെഷീനുകള്‍ പ്രവര്‍ത്തിക്കുക. 5000 സ്‌പോട്ട് ബില്ലിംഗ് മെഷീനുകളാണ് സംസ്ഥാനമൊട്ടാകെ കെ.എസ്.ഇ.ബി ഉപയോഗിച്ചു വരുന്നത്. ഇവയിലെല്ലാം ബില്‍ പേയ്‌മെന്റിനുള്ള സൗകര്യം കൂട്ടിച്ചേര്‍ക്കും. കെ.എസ്.ഇ.ബി ഓഫീസുകളിലും ഇത്തരത്തില്‍ സ്‌പോട്ട് ബില്ലിംഗ് മെഷീന്‍ വഴിയുള്ള പണം സ്വീകരിക്കല്‍ നിലവില്‍ വരും.

ക്യൂ ആര്‍ കോഡ് ഉപയോഗിച്ച് ഇലക്ട്രിസിറ്റി ബില്‍ അടക്കാനുള്ള സംവിധാനം അവതരിപ്പിക്കുന്നതിനുള്ള സാങ്കേതിക നടപടികളും  കെ.എസ്.ഇ.ബി ആരംഭിച്ചിട്ടുണ്ട്. കണ്‍സ്യൂമര്‍ നമ്പര്‍ ഉള്‍പ്പടെയുള്ള വിവരങ്ങള്‍ ഉള്‍പ്പെടുത്തി ക്യൂആര്‍ കോഡ് തയ്യാറാക്കും. ഇത് ഇലക്ട്രിസിറ്റി ബില്ലില്‍ ചേര്‍ക്കും. ഈ കോഡ് സ്‌കാന്‍ ചെയ്താല്‍ തുക എത്രയെന്നറിയാനും പണം അടക്കാനും സൗകര്യമുണ്ടാകും.

Pay your electricity bill with ease from next month! A new system is being introduced to simplify the payment process, making it faster and more convenient for you