മസ്കത്ത്:ലോകത്തിലെ മഹത്തരമേറിയ സ്‌ഥലങ്ങളിൽ  ഈ വർഷം സന്ദർശിക്കേണ്ടവയുടെ പട്ടികയിൽ ഇടം നേടി ഒമാനിലെ ബാബ് അൽ സലാം മസ്‌ജിദ്. ടൈം മാഗസിൻ്റെ റിപ്പോർട്ടിലാണ് ഈ 'ആർക്കിടെക്‌ചർ ഈ നേട്ടം കൈവിരിച്ചത്.

വാസ്തു‌ശിൽപ വിസ്‌മയമായ മഹ്ബൂബ് ബിൻ അൽ റുഹൈൽ മസ്‌ജിദ് (ജാമിഅ് ബാബ് അൽ സലാം) ഒമാനിലെ സീബ് വിലായത്തിലെ മബേലയിലാണ് സ്‌ഥിതി ചെയ്യുന്നത്. കോൺക്രീറ്റിന്റെ ഉപയോഗം പരമാവധി കുറച്ചാണ് മസ്‌ജിദ് നിർമിച്ചിരിക്കുന്നത്. മേൽക്കൂര സ്ലാബ് ആകട്ടെ 30 ശതമാനം വരെ കനം കുറക്കുകയും ചെയ്തിട്ടുണ്ട്. ന്യൂ നൗട്ടിലസ് ഇവോ എന്ന സാങ്കേതികവിദ്യയുടെ ഉപയോഗത്തിലൂടെയാണ് ഇത് പ്രാവർത്തികമാക്കിയത്.

680 ചതുരശ്ര മീറ്റർ സ്‌ഥലത്ത് സ്‌ഥിതി ചെയ്യുന്ന മസ്ജിദിന് രണ്ട് ഭാഗങ്ങളുണ്ട്. കോൺ ആകൃതിയിലുള്ള മിനാരവും,പ്രധാന പ്രാർഥനാ ഹാളുമാണ് ഇവ. 26 മീറ്റർ വിസ്‌താരത്തിൽ വൃത്താകൃതിയിൽ തുറസ്സായ ഇടമാണ് പ്രാർഥനക്കായി ഒരുക്കിയിരിക്കുന്നത്.  പുനഃചംക്രമണം ചെയ്ത പ്ലാസ്റ്റിക് കവചങ്ങൾ ഉപയോഗിച്ചതിനാൽ കോൺക്രീറ്റിൻ്റെ ഉപയോഗം പരാമാവധി കുറക്കാനായി. ഇതിലൂടെ സുസ്‌ഥിരത വർധിപ്പിക്കാനും അരലക്ഷം കിലോ കാർബൺ ഒഴിവാക്കാനും സാധിച്ചത്. മസ്‌ജിദിന്റെ വൃത്താകൃതിയിലുള്ള തറക്ക് സൗകര്യപ്രദമാകുന്ന തരത്തിലാണ് ഇരുദിശകളിലേക്കുമുള്ള ഭാര വിന്യാസം നൽകിയിരിക്കുന്നത്. ഇറ്റലി ആസ്‌ഥാനമായി പ്രവർത്തിക്കുന്ന ജിയോ പ്ലാസ്‌റ്റ് ആർക്കിടെക്‌ചർ കമ്പനിയാണ് പുതുസാങ്കേതികവിദ്യയിൽ നിർമാണം നടത്തിയിരിക്കുന്നത്.

The Bab Al Salam Mosque in Oman has been recognized as one of the world's greatest places, celebrated for its stunning architecture and spiritual significance. This remarkable mosque features intricate Islamic design, blending traditional craftsmanship with modern elegance. Its peaceful ambiance and cultural importance make it a must-visit destination, showcasing Oman's rich heritage and dedication to religious artistry.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക