ഹേമ കമ്മിറ്റി റിപ്പോര്ട്ടിന്റെ പൂര്ണരൂപം പ്രത്യേക അന്വേഷണ സംഘത്തിന് കൈമാറി
തിരുവനന്തപുരം: ഹേമ കമ്മിറ്റി റിപ്പോര്ട്ടിന്റെ പൂര്ണരൂപം പ്രത്യേക അന്വേഷണ സംഘത്തിന് കൈമാറി. ഹൈക്കോടതി നിര്ദേശപ്രകാരമാണ് കൈമാറ്റം. ക്രൈംബ്രാഞ്ച് മേധാവി എച്ച്. വെങ്കിടേഷിനാണ് സര്ക്കാര് റിപ്പോര്ട്ടിന്റെ പൂര്ണരൂപം കൈമാറിയത്.
അതിനിടെ, കേസുകളില് അന്വേഷണം നടത്തുന്ന പ്രത്യേക സംഘത്തിന്റെ യോഗം ഇന്ന് തിരുവനന്തപുരത്ത് ചേരും. റിപ്പോര്ട്ടിലുള്ള മൊഴികള് അടക്കമുള്ളവ പരിശോധിക്കുന്നതോടൊപ്പം വെളിപ്പെടുത്തലുകളില് കേസെടുക്കുന്ന കാര്യത്തിലടക്കം യോഗത്തില് തീരുമാനമായേക്കും.
റിപ്പോര്ട്ടിന്മേല് കര്ശനമായ വ്യവസ്ഥകള് ഉള്പ്പെടുത്തിയാകും സര്ക്കാരിന്റെ തുടര്നടപടികളെന്ന് സൂചനയുണ്ട്. മൊഴി നല്കിയവരുടെ സ്വകാര്യതയും സുരക്ഷയും ഉറപ്പാക്കും. ഇന്നലെ മുഖ്യമന്ത്രി പിണറായി വിജയനെ സന്ദര്ശിച്ച ഡബ്ല്യുസിസി അംഗങ്ങളും ഈ രണ്ടു കാര്യങ്ങളിലാണ് ഊന്നല് നല്കിയത്.
കേസ് അടുത്ത തവണ കോടതി പരിഗണിക്കുമ്പോള് ഡബ്ല്യുസിസി ഉന്നയിച്ച ആവശ്യം സര്ക്കാര് കോടതിക്കു മുന്നില് വെയ്ക്കും. സിനിമാമേഖലയില് സ്ത്രീസുരക്ഷ ലക്ഷ്യമിട്ട് കൂടുതല് നിയന്ത്രണങ്ങളിലേക്കു നീങ്ങാനുള്ള തീരുമാനവും അറിയിക്കും.
The Kerala government has handed over the full Hema Committee report to the Special Investigation Team (SIT) led by Crime Branch chief H. Venkatesh, as per the directives of the High Court.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."