അര്ജുനായി പുഴയിലിറങ്ങി ' മാല്പെ സംഘം' നാലാമത്തെ സ്പോട്ടില് തെരച്ചില്, അടിയൊഴുക്ക് വെല്ലുവിളി തന്നെ
അങ്കോല: അര്ജുനെ കണ്ടെത്താന് ഷിരൂരില് എത്തിയ പ്രാദേശിക മുങ്ങല് വിദഗ്ധരുടെ സംഘത്തില് നിന്നുള്ളവര് നദിയിലിറങ്ങി പരിശോധന നടത്തുന്നു. സിഗ്നല് കിട്ടിയ നാലാമത്തെ സ്പോട്ടിലാണ് ഇപ്പോള് തെരച്ചില് നടക്കുന്നത്.
തെരച്ചില് സംഘത്തിലെ തലവന് ഈശ്വര് മല്പെ നദിയില് മുങ്ങിയെങ്കിലും പുഴയിലെ അടിയൊഴുക്ക് കാരണം തിരിച്ചുകയറുകയായിരുന്നു. പല തവണ മുങ്ങിയെങ്കിലും ഈശ്വര് മല്പെ അതിവേഗം തിരിച്ചുകയറിയെന്നാണ് വിവരം. സംഘത്തില് എട്ടുപേരാണുള്ളത്. ഈശ്വര് മല്പെ അടക്കം രണ്ടു പേരാണ് നദിയില് ഇറങ്ങി പരിശോധന നടത്തിയത്.
മത്സ്യത്തൊഴിലാളികളുടെ ബോട്ട് എത്തിച്ചാണ് ഇവര് നദിയിലെ മണ്കൂനയ്ക്ക് മുകളിലെത്തിയത്. നാവികസേനയും മത്സ്യത്തൊഴിലാളികളും ഇവരുടെ കൂടെയുണ്ട്.
അതേസമയം, ഐബോര്ഡ് പരിശോധനയില് അര്ജുന്റെ ലോറി കരയില് നിന്ന് 132 മീറ്റര് അകലെയാണെന്ന് കണ്ടെത്തിയിരുന്നു. അതേസമയം മനുഷ്യസാന്നിധ്യം ഉറപ്പാക്കാനായിട്ടില്ലെന്നും അധികൃതര് പറഞ്ഞു. സി.പി. നാല് ലോറി കണ്ടെത്താന് ഏറ്റവും കൂടുതല് സാധ്യതയുള്ള സ്ഥലമാണെങ്കിലും മറ്റ് മൂന്നിടത്തേയും സാധ്യത തള്ളിക്കളയാനാവില്ലെന്നാണ് റിപ്പോര്ട്ടില് പറയുന്നത്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."