ലണ്ടന്‍: ഫലസ്തീനില്‍ യുദ്ധക്കുറ്റംചെയ്ത ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവിനെതിരേ രാജ്യാന്തര നീതിന്യായ കോടതി (ഐ.സി.ജെ) പുറപ്പെടുവിച്ച അറസ്റ്റ് വാറണ്ടിനെ എതിര്‍ക്കില്ലെന്ന് ബ്രിട്ടൻ. യുദ്ധക്കുറ്റവാളിയായ നെതന്യാഹുവിന് അറസ്റ്റ് വാറണ്ട് പുറപ്പെടുവിച്ച നടപടിയെ കോടതിയില്‍ ചോദ്യംചെയ്യുമെന്ന് ബ്രിട്ടനിലെ മുന്‍ ഋഷി സുനക് ഭരണകൂടം അറിയിച്ചിരുന്നു. എന്നാൽ അടുത്തിടെ ബ്രിട്ടനില്‍ ലേബര്‍ പാര്‍ട്ടിയുടെ നേതൃത്വത്തിലുള്ള പുതിയ സര്‍ക്കാര്‍ അധികാരത്തില്‍വന്നതോടെയാണ് ഫലസ്തീന്‍ വിഷയത്തിലുള്ള നിലപാട് മാറ്റിയത്.

അതേസമയം, ഗസ്സയിൽ എത്രയും വേഗം വെടിനിർത്തണമെന്ന് യു.എസ് പ്രസിഡന്റ് തെരഞ്ഞെടുപ്പിൽ മത്സരിക്കുന്ന ഡെമോക്രാറ്റ് സ്ഥാനാർഥിയും നിലവിലെ വൈസ് പ്രസിഡന്റുമായ കമലാ ഹാരിസ്. മുഴുവൻ ബന്ദികളെയും വീട്ടിലെത്തിക്കാനും ഫലസ്തീൻ ജനതയ്ക്ക് ആശ്വാസം നൽകാനും നമുക്ക് വെടിനിർത്തൽ എത്രയും വേഗം പൂർത്തിയാക്കണം. നെതന്യാഹുവുമായുള്ള കൂടിക്കാഴ്ചയ്ക്ക് ശേഷം മാധ്യമപ്രവർത്തകരോട് സംസാരിക്കവെയാണ് കമാലാ ഹാരിസ് നിലപാട് വ്യക്തമാക്കിയത്.