യു.എ.ഇ: ഓണ്‍ലൈനില്‍ ചിത്രങ്ങള്‍ പങ്കുവക്കുന്നവര്‍ രണ്ടു തവണ ആലോചിക്കുക. ഇല്ലെങ്കില്‍ വലിയ വില നല്‍കേണ്ടി വരും. ഇന്ന് ആധുനിക സാങ്കേതിക വിദ്യകളുടെ കാലത്ത് നിങ്ങള്‍ ഓണ്‍ലൈനില്‍ പങ്കുവക്കുന്ന ചിത്രങ്ങള്‍ ഉപയോഗിച്ച് സ്‌കാമര്‍മാര്‍ നിങ്ങളുടെ വ്യക്തിഗതവിവരങ്ങള്‍ ചോര്‍ത്തിയെടുക്കുന്നു. ഒരു വീഡിയോയോ, ചിത്രമോ, സോഷ്യല്‍ മീഡിയയില്‍ പങ്കുവക്കുന്നതിന് മുന്‍പ് രണ്ടാമതൊന്നാലോചിക്കണമെന്ന് യു.എ.ഇയുടെ സൈബര്‍ സെക്യൂരിറ്റി കൗണ്‍സില്‍ ജനങ്ങളോട് ആവശ്യപ്പെട്ടു.

ഫോട്ടോകളില്‍ നിന്ന് ഹാക്കര്‍മാര്‍ ശേഖരിക്കുന്ന വിവരങ്ങള്‍   

1. പ്രായം 
2. ലിംഗഭേദം
3. സ്ഥലം
4. ബയോമെട്രിക് വിവരങ്ങള്‍
5. ജോലി സംബന്ധമായ വിവരങ്ങള്‍
6. ആരോഗ്യപരമായ വിവരങ്ങള്‍ 
7. ഐഡന്റിറ്റി കാര്‍ഡ് തുടങ്ങിയ വിവരങ്ങള്‍ 

വിവരങ്ങള്‍ സംരക്ഷിക്കാനുള്ള മാര്‍ഗങ്ങള്‍ 

ഒരു ചിത്രം ഓണ്‍ലൈനില്‍ പോസ്റ്റു ചെയ്യുമ്പോള്‍ പോലും സൂക്ഷിക്കണമെന്ന വസ്തുത ഭയപ്പെടുത്തുന്നതാണ്. എന്നിരുന്നാല്‍ തന്നെ അനധികൃത ആക്‌സസ്, മോഷണം, ദുരുപയോഗം എന്നിവയില്‍ നിന്ന് സ്വയം സംരക്ഷിക്കാനുള്ള വഴികളും സമൂഹമാധ്യമങ്ങള്‍ പ്രദാനം ചെയ്യുന്നു. ഓണ്‍ലൈനില്‍ ചിത്രങ്ങളും, വീഡിയോകളും പങ്കുവക്കുന്നവര്‍ ചെയ്യേണ്ടതായ കാര്യങ്ങളാണ് ഇവ:

1. നിങ്ങളുടെ വ്യക്തിഗത വിവരങ്ങള്‍ ആര്‍ക്കെല്ലാം ആക്‌സസ് ചെയ്യാം എന്നുള്ള വിവരം നിങ്ങളുടെ പ്രൈവസി സെറ്റിങ്ങ്‌സില്‍ ഉണ്ടാകും അത് ക്രമീകരിക്കുക.
2. ഫോട്ടോകളിലോ, വിഡിയോകളിലോ ചേര്‍ക്കാവുന്ന  പ്രധാന വിവരങ്ങള്‍ ഒഴിവാക്കി ചിത്രങ്ങള്‍ എഡിറ്റ് ചെയ്യുക.
3. ശക്തമായ പാസ്‌വേര്‍ഡുകളും എന്‍ക്രിപ്ഷന്‍ ആപ്ലിക്കേഷനുകളും ഉപയോഗിക്കുക.
4. സെന്‍സിറ്റിവ് വീഡിയോകളും, ചിത്രങ്ങളും ഓണ്‍ലൈനില്‍ പങ്കുവെക്കാതിരിക്കുക. 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക