പ്രവാസികള്‍ക്ക് ഒരു വന്‍ ക്രസ്തുമസ് സമ്മാന പ്രഖ്യാപനവുമായി ഇതാ ഒമാന്‍ വിമാനക്കമ്പനിയായ സലാം എയര്‍. കേരള സെക്ടറിലേക്ക് ഉള്‍പ്പെടെ കുറഞ്ഞ നിരക്കിലുള്ള വിമാന ടിക്കറ്റുകളാണ്  സലാം എയറിന്റെ ക്രിസ്തുമസ് സമ്മാനം. ഏതായാലും ക്രിസ്തുമസിന് നാട്ടിലെത്താന്‍ കാത്തിരിക്കുന്ന പ്രവാസികള്‍ക്ക് വലിയൊരാശ്വാസമായിരിക്കുകയാണ് പ്രഖ്യാപനം. 

ആഭ്യന്തര രാജ്യാന്തര സെക്ടറുകളിലേക്ക് 19 ഒമാനി റിയാല്‍ മുതലാണ് ടിക്കറ്റ് നിരക്കുകള്‍ ആരംഭിക്കുന്നത്. മസ്‌കറ്റ്, സലാല എന്നിവിടങ്ങളില്‍ നിന്നുള്ള തിരഞ്ഞടുക്കപ്പെട്ട സര്‍വിസുകളില്‍ ഓഫര്‍ ലഭിക്കുന്നതാണ്. മസ്‌കറ്റില്‍ നിന്ന് ദുബൈ, ലാഹോര്‍, കറാച്ചി, മുള്‍ട്ടാന്‍, പെഷവാര്‍, സിയാല്‍ കോട്ട്, ഇസ്ലാമാബാദ്, എന്നി സെക്ടറുകളിലേക്ക്, 19 റിയാല്‍ മുതലാണ് ടിക്കറ്റ് നിരക്ക്. കേരളത്തിലെ കോഴിക്കോട്ടേക്കും ഇന്ത്യയിലെ മറ്റു സെക്ടറുകളായ ഡല്‍ഹി, ജയ്പൂര്‍, ലക്‌നൗ, എന്നിവിടങ്ങളിലേക്കെല്ലാം 25 റിയാലായിരിക്കും ടിക്കറ്റ് നിരക്കെന്നാണ് പ്രഖ്യാപനത്തില്‍ പറയുന്നത്.

സെപ്തംബര്‍ 15 നും ഡിസംബര്‍ 15 നും ഇടയില്‍ യാത്രകള്‍ നടത്തുന്നവര്‍ക്കാണ് ഈ ഓഫറുകള്‍ ലഭിക്കുക. ജൂലൈ 31 ന് മുന്‍പ് ടിക്കറ്റ് ബുക്ക് ചെയ്യണമെന്ന നിബന്ധനയും സലാം എയര്‍ മുന്നോട്ടു വച്ചിട്ടുണ്ട്. ഓഫര്‍ നിരക്കില്‍ യാത്രചെയ്യുന്നവര്‍ക്ക് 7 കിലോ ലഗേജാണ് കൈവശം വക്കാനാകുക. കൂടുതല്‍ ലഗേജിന് അധികം പണം ഈടാക്കുന്നതായിരിക്കും.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക