ശ്രീകൃഷ്ണപുരം: ബ്ലോക്ക് പഞ്ചായത്ത്, ഐ.സി.ഡി.എസ്, ഗ്രാമപഞ്ചായത്തുകള്‍ എന്നിവയുടെ സംയുക്താഭിമുഖ്യത്തില്‍ കൗമാര പ്രായക്കാരായ പെണ്‍കുട്ടികള്‍ക്കുള്ള സമഗ്ര പദ്ധതിയായ സ്‌നേഹിതക്ക് പൂക്കോട്ടുകാവില്‍ തുടക്കമായി. പതിനൊന്നിനും പത്തൊമ്പതിനും ഇടയില്‍ പ്രായമുള്ള പെണ്‍കുട്ടികളെയാണ് പദ്ധതിയില്‍ ഉള്‍പ്പെടുത്തിയിരിക്കുന്നത്.
പദ്ധതിയുടെ ഉദ്ഘാടനം ബ്ലോക്ക് പ്രസിഡന്റ് പി. അരവിന്ദാക്ഷന്‍ നിര്‍വഹിച്ചു.ഗ്രാമപഞ്ചായത്ത് പ്രസിഡന്റ് കെ. ജയദേവന്‍ അധ്യക്ഷനായി. ജ്യോതിവാസന്‍, ടി. രാമചന്ദ്രന്‍ മാസ്റ്റര്‍, പി. അംബുജാക്ഷി, കെ. ഓമന, സി. രാജന്‍, എസ്. റാണി, പി. ദേവകി, ഹയറുന്നീസ സംസാരിച്ചു. കൗണ്‍സിലര്‍ ടീജ, ഡോ. ശ്യാം പരിപാടിക്ക് നേതൃത്വം നല്‍കി.