ഗുവാഹത്തി: പൗരത്വ നിയമ ഭേദഗതിക്കെതിരേ പ്രതിഷേധിക്കുന്നവരെ ആക്രമിക്കാന്‍ പാര്‍ട്ടി പ്രവര്‍ത്തകരോട് ആഹ്വാനം ചെയ്ത അസം ബി.ജെ.പി എം.എല്‍.എക്കെതിരേ കേസ്.
ബി.ജെ.പി നേതാവും എം.എല്‍.എയുമായ മൃണാള്‍ സൈകിയക്കെതിരാണ് കേസ്. ചബുവയില്‍ നടന്ന ഒരു പരിപാടിയിലാണ് പ്രതിഷേധക്കാരെ അക്രമിക്കാന്‍ പ്രേരിപ്പിച്ച് അദ്ദേഹം പ്രസംഗിച്ചത്. 'അവര്‍ ആരെങ്കിലും നിങ്ങളിലൊരാളെ ആക്രമിച്ചാല്‍ പകരം പത്താളുകളെ ആക്രമിച്ചോളൂ...'വെന്നായിരുന്നു ആഹ്വാനം. ഇതിന്റെ വിഡിയോ പ്രചരിച്ചതോടെയാണ് ചിലര്‍ പരാതി നല്‍കിയത്. എം.എല്‍.എയ്‌ക്കെതിരേ സര്‍ക്കാര്‍ നടപടിയെടുക്കണമെന്നു പ്രതിപക്ഷ നേതാവും ആവശ്യപ്പെട്ടു.