മഹാത്മാഗാന്ധിയ്ക്ക് എതിരായ പരാമര്ശം: അമിത് ഷായെ പ്രോസിക്യൂട്ട് ചെയ്യണമെന്ന് സുധീരന്
തിരുവനന്തപുരം:രാഷ്ട്രപിതാവായ മഹാത്മാഗാന്ധിയേയും ഐതിഹാസികമായ സ്വാതന്ത്യ്രസമരത്തേയും അപമാനിച്ച ബി.ജെ.പി. അധ്യക്ഷന് അമിത് ഷാ കുറ്റമേറ്റ് പറഞ്ഞ് രാഷ്ട്രത്തോടും ജനങ്ങളോടും മാപ്പ് പറയണമെന്ന് മുന് കെ.പി.സി.സി പ്രസിഡന്റ് വി.എം സുധീരന്.
തന്റെ ഫെയ്സ്ബുക്ക് പേജിലൂടെയാണ് സുധീരന് അമിത്ഷായുടെ പ്രസ്താവനയ്ക്കെതിരെ രംഗത്തുവന്നത്.
സ്വാതന്ത്ര്യസമരത്തെ ഒറ്റുകൊടുക്കുകയും ഗാന്ധിജിയെ വധിക്കുകയും ചെയ്ത കുലദ്രോഹികളുടെ പാരമ്പര്യത്തിന്റെ കണ്ണിയാണ് അമിത് ഷായെന്നും അദ്ദേഹം ആരോപിച്ചു.
ഗാന്ധിജിയെയും സ്വാതന്ത്ര്യസമരത്തെയും നിന്ദിച്ച രാജ്യദ്രോഹപരവും കുറ്റകരവുമായ പ്രസ്താവന നടത്തിയ അമിത് ഷായെ പ്രോസിക്യൂട്ട് ചെയ്യണമെന്നും അദ്ദേഹം ആവശ്യപ്പെട്ടു.
വെള്ളിയാഴ്ച ഛത്തീസ്ഗഡിലെ റായ്പൂരില് നടന്ന പരിപാടിയ്ക്കിടെയാണ് ബിജെപി ദേശിയ അധ്യക്ഷന് മഹാത്മാ ഗാന്ധിയെ ആക്ഷേപിച്ചു സംസാരിച്ചത്.
ഗാന്ധിജി ബുദ്ധിമാനായ ബനിയ( ഗാന്ധിജിയുടെ സമുദായം) ആയിരുന്നു. കോണ്ഗ്രസിന് എന്താണ് സംഭവിക്കാന് പോകുന്നതെന്ന് ഗാന്ധിജിക്ക് അറിയാമായിരുന്നു എന്നാണ് അമിത് ഷാ പറഞ്ഞത്.
യോഗത്തില് കോണ്ഗ്രസിനേയും അമിത് ഷാ കടന്നാക്രമിച്ചു.
ഒരു ആശയത്തിന്റെ പേരില് രൂപീകരിച്ച പാര്ട്ടിയല്ല കോണ്ഗ്രസ്. അതു സ്വാതന്ത്ര്യസമരത്തിനുള്ള ഒരു ഉപകരണം മാത്രമായിരുന്നു എന്നായിരുന്നു അമിത് ഷായുടെ പരാമര്ശം.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."