തിരൂരങ്ങാടി: സമസ്ത കേന്ദ്ര മുശാവറാംഗവും ദാറുല്‍ഹുദാ ഇസ്‌ലാമിക് സര്‍വകലാശാലാ വൈസ് ചാന്‍സലറുമായ ഡോ. ബഹാഉദ്ദീന്‍ മുഹമ്മദ് നദ്‌വിക്കു ഇത്തവണയും മൊറോക്കന്‍ സര്‍ക്കാരിന്റെ റമദാന്‍ അതിഥിയായി സംബന്ധിക്കാന്‍ ക്ഷണം. അമീര്‍ മുഹമ്മദ് ബിന്‍ ഹസന്‍ രാജാവിന്റെ അധ്യക്ഷതയില്‍ വിവിധ ആഗോള പണ്ഡിതരെ സംഘടിപ്പിച്ച് നടത്തുന്ന പണ്ഡിത സദസില്‍ ഡോ.ബഹാഉദ്ദീന്‍ മുഹമ്മദ് നദ്‌വി പ്രഭാഷണം നടത്തും.
ദുറൂസുല്‍ ഹസനിയ്യ എന്ന പേരില്‍ പ്രതിവര്‍ഷം സംഘടിപ്പിക്കാറുള്ള റമദാന്‍ പണ്ഡിത സദസില്‍ വിവിധ രാജ്യങ്ങളില്‍നിന്ന് തിരഞ്ഞെടുത്ത പണ്ഡിതരാണ് പ്രഭാഷണങ്ങള്‍ നടത്തുക.
കഴിഞ്ഞ വര്‍ഷവും ഡോ.നദ്‌വിക്കു ക്ഷണം ലഭിച്ചിരുന്നു. പരിപാടിയില്‍ നദ്‌വി തലസ്ഥാന നഗരിയായ റബാത്വിലേക്ക് യാത്ര തിരിച്ചു.