ദുരിതമൊഴിയാതെ തലശ്ശേരി ബസ് സ്റ്റാന്റ്
തലശ്ശേരി: കേട്ടാല് പുതിയത്, കണ്ടാല് കോണ്ക്രീറ്റ് അടര്ന്ന് വീഴുമോയെന്ന പേടി. അതാണ് തലശ്ശേരി നഗരസഭയിലെ നൂറുകണക്കിന് വ്യാപാര സ്ഥാപനങ്ങള് ഉള്ള പുതിയ ബസ് സ്റ്റാന്റ് ഷോപ്പിങ് കോപ്ലക്സിന്റെ ഇന്നത്തെ അവസ്ഥ. നാല് പതിറ്റാണ്ട് മുന്പ് നിര്മിച്ച ഈ ബസ് സ്റ്റാന്റ് ജീര്ണിച്ച് തുടങ്ങിയിട്ട് കാലങ്ങളേറെയായി. ദിവസേന വിദ്യാര്ഥികളും ഉദ്യോഗാര്ഥികളുമടക്കം ആയിരങ്ങളാണ് ഈ ബസ്സ്റ്റാന്റിനെ ആശ്രയിക്കുന്നത്.
നൂറിലധികം ബസുകള് കയറിയിറങ്ങുന്നതിനാല് അസൗകര്യത്താല് നിരവധി അപകട മരണങ്ങളും ഈ ബസ് സ്റ്റാന്റില് നടന്നിട്ടുണ്ട്. സ്റ്റാന്റിനുള്ളിലെ ശോച്യാലയം വൃത്തിഹീനമാണ്. മഴ കനത്തതോടെ കോണ്ക്രീറ്റ് സ്ലാബ് അടര്ന്ന് വീണ് കഴിഞ്ഞ മാസം രണ്ടു വ്യാപാരികള്ക്ക് പരുക്കേറ്റിരുന്നു. ബസ് സ്റ്റാന്റ് പരിസരത്തെ ഓടകളില് മലിന ജലം ഒഴുകുന്നതും പൊതുജനങ്ങളെ ബുദ്ധിമുട്ടിലാക്കുന്നു.
ബസ് സ്റ്റാന്റ് നവീകരണത്തിനാവശ്യമായ നടപടികള് കൈക്കൊള്ളണമെന്നാണ് വ്യാപാരികളുടെയും നാട്ടുകാരുടെയും ആവശ്യം.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."