ആലപ്പുഴ: അമ്പലപ്പുഴ ശ്രീകൃഷ്ണ ക്ഷേത്രത്തിലെ തിരുവാഭരണത്തില്‍ സൂക്ഷിച്ചിരുന്ന നവരത്‌നങ്ങള്‍ പതിച്ച പതക്കം കാണാതായി. വിഷുദിനത്തിലാണ് ഇതിന്റെ ചുമതലക്കാരനായ അഡ്മിനിസ്‌ട്രേറ്റീവ് ഓഫീസര്‍  വിഷുവിന് തിരുവാഭരണം ചാര്‍ത്താനായി നവരത്‌നങ്ങള്‍ പതിച്ച മുഖം, മാറ്, മാല എന്നിവ ക്ഷേത്രം മേല്‍ശാന്തിയെ ഏല്‍പ്പിച്ചത്.

ചടങ്ങിനുശേഷം ഇവ തിരികെ അഡ്മിനിസ്‌ട്രേറ്റീവ് ഓഫീസറെ ഏല്‍പ്പിച്ചില്ലെന്നാണ് പറയുന്നത്. പതക്കം കാണാത്തതിനെ തുടര്‍ന്ന് ക്ഷേത്രത്തില്‍ വ്യാപകമായി തിരച്ചില്‍ നടത്തിയെങ്കിലും കണ്ടെത്താനായില്ല.

ഇതേതുടര്‍ന്ന് ഇന്നലെ ദേവസ്വം ബോര്‍ഡ് അധികൃതര്‍ക്ക് ഭക്തര്‍ പരാതി നല്‍കുകയായിരുന്നു. പരാതിയുടെ അടിസ്ഥാനത്തില്‍ കമ്മീഷണര്‍ ഇന്ന് ക്ഷേത്രത്തിലെത്തി പരിശോധന നടത്തും.