ഇരിക്കൂര്‍: കേരളത്തിന്റെ മതനിരപേക്ഷ മനസ് ഉയര്‍ത്തിപ്പിടിക്കാന്‍ വിദ്യാര്‍ഥികള്‍ക്കാവണമെന്ന് എഴുത്തുകാരന്‍ എം മുകുന്ദന്‍. കൊളോളം പഞ്ചായത്ത് ഹാളില്‍ നടന്ന കൂടാളി പഞ്ചായത്ത് വായനോത്സവം ഉദ്ഘാടനം ചെയ്യുകയായിരുന്നു അദ്ദേഹം. എസ്.എസ്.എല്‍.സി നൂറ് ശതമാനം വിജയം നേടിയ പട്ടാന്നൂര്‍ കെ.പി.സി ഹയര്‍ സെക്കന്‍ഡറി, കൂടാളി ഹയര്‍ സെക്കന്‍ഡറി സ്‌കൂളുകളെയും എസ്.എസ്.എല്‍.സി പ്ലസ്ടു ഉന്നത വിജയം നേടിയവരെയും ചടങ്ങില്‍ അനുമോദിച്ചു. പഞ്ചായത്ത് പ്രസിഡന്റ് പി.പി നൗഫല്‍ അധ്യക്ഷനായി. ജില്ലാ പഞ്ചായത്തംഗങ്ങളായ കെ നാണു, മഹിജ, മോഹനന്‍, പ്രേമരാജന്‍, കെ.കെ കുഞ്ഞിക്കണ്ണന്‍, ഇ പ്രദീപന്‍, കെ ഗോപാലന്‍, രതീശന്‍, കൃഷ്ണന്‍, കെ.എം വിജയന്‍, ഇബ്രാഹീം സംസാരിച്ചു.

.