എല്ലാ വീടുകളിലും മുട്ട ഉണ്ടാവാറുണ്ട്. മിക്കവരും അത് ഫ്രിഡ്ജില്‍ തന്നെയാണ് സൂക്ഷിക്കുകയും ചെയ്യുന്നത്. അതായത് ഫ്രിഡ്ജ് തുറക്കുമ്പോള്‍ ഫ്രിഡ്ജിന്റെ ഡോറില്‍ തന്നെ. അവിടെ മുട്ടകള്‍ സൂക്ഷിക്കാനായി വാതില്‍, ഒരു പ്രത്യേക ബിന്‍ അല്ലെങ്കില്‍ ഒരു ഷെല്‍ഫ് ഉണ്ട്.  എന്നാല്‍ ഡോറില്‍ അല്ല മുട്ട വയ്‌ക്കേണ്ടതെന്ന് എത്രപേര്‍ക്ക് അറിയാം.

ഓരോതാവണ ഫ്രിഡ്ജ് തുറക്കുമ്പോഴും അടക്കുമ്പോഴും താപനിലയിലുണ്ടാവുന്ന ഏറ്റക്കുറച്ചില്‍ ബാക്ടീരിയയുടെ വളര്‍ച്ചയ്ക്ക് സാധ്യത കൂട്ടുന്നതാണ്. മുട്ടകള്‍ ഒരു പാത്രത്തില്‍ വച്ച് സൂക്ഷിക്കുന്നതാണ് നല്ലത്. മുട്ടകള്‍ കഴുകി വേണം സൂക്ഷിക്കാന്‍. മുട്ടയുടെ കൂര്‍ത്ത വശം മുകളിലേക്ക് വരുന്ന രീതിയില്‍ വയ്ക്കുക.

ചൂടുള്ള കാലാവസ്ഥയില്‍ മുട്ട ഫ്രിഡ്ജില്‍ വയ്ക്കുന്നതാണ് നല്ലത്. ഡെയ്റ്റ് കഴിഞ്ഞ മുട്ടകള്‍ ഉപയോഗിക്കുന്നത് അപകടം ചെയ്യും. ഇതിനായി നിങ്ങള്‍ക്ക് ഫ്‌ലോട്ട് ടെസ്റ്റ് ഉപയോഗിച്ച് പരിശോധിക്കാവുന്നതാണ്. 

മുട്ടകള്‍ സൂക്ഷിക്കാന്‍ ഏറ്റവും നല്ല മാര്‍ഗം ഫ്രിഡ്ജില്‍ മധ്യഭാഗത്തായി പിന്നിലാണ് വയ്‌ക്കേണ്ടത്. ഇത് മൂടിയുള്ള പാത്രത്തിലോ ട്രേയിലോ വയ്ക്കാവുന്നതാണ്. എന്നാല്‍ മുട്ടയിലെ ഈര്‍പ്പം നഷ്ടപ്പടുകയുമില്ല, മറ്റു ഭക്ഷണപദാര്‍ഥങ്ങളുടെ ഗന്ധമോ രുചിയോ സ്വീകരിക്കുന്നത് തടയുകയും ചെയ്യും.  

മുട്ടകള്‍ ഫ്രഷാണോ എന്ന് എങ്ങനെ പരിശോധിക്കാം

മുട്ട പുതിയതാണോ എന്നറിയാന്‍ നിങ്ങള്‍ക്ക് ഈ രീതി ഒന്നു പരിശോധിക്കാവുന്നതാണ്. ഒരു ഗ്ലാസില്‍ മുക്കാല്‍ ഭാഗം വെള്ളമെടുക്കുക. ഇതിലേക്ക് മുട്ട വയ്ക്കുക. അത് മുങ്ങി വശങ്ങളിലേക്ക് പോയി ചെരിഞ്ഞു കിടന്നാല്‍ ആ മുട്ട ഫ്രഷായിരിക്കും. എന്നാല്‍ മുട്ട മുങ്ങുകയും നിവര്‍ന്നു നില്‍ക്കുകയും ചെയ്യുന്നുണ്ടെങ്കില്‍ അത് വേഗം തന്നെ ഉപയോഗിക്കുക. ഇനി പൊങ്ങിക്കിടക്കുകയാണെങ്കില്‍ അത് കളയുക. മുട്ട കേടായിരിക്കും.  

നിങ്ങള്‍ കടയില്‍നിന്നു വാങ്ങുന്ന മുട്ടകളാണെങ്കില്‍ ഫ്രിഡ്ജില്‍ തന്നെ സൂക്ഷിക്കേണ്ടത്. കാരണം മുട്ടത്തോടുകള്‍ സുഷിരങ്ങളുള്ളവയാണ്. ഭ്രൂണം ഉള്ളില്‍ വികസിക്കുമ്പോള്‍ വാതകകൈമാറ്റത്തിന് ഇതാവശ്യമാണ്. ഇനി വീട്ടിലോ ഫാമിലോ ഉള്ള മുട്ടകളാണെങ്കില്‍ പുറത്തുവയ്ക്കാവുന്നതാണ്. ശരിയായി മൂടിവച്ച് സൂക്ഷിച്ചാല്‍ ഫ്രിഡ്ജില്‍ മുട്ട 5 ആഴ്ചവരെയൊക്കെ നില്‍ക്കുന്നതാണ്.