ഇതിഹാസ താരം ലയണൽ മെസിക്കെതിരെയുള്ള മത്സരങ്ങൾക്ക് മുന്നോടിയായി അത്ലറ്റികോ മാഡ്രിഡ് പരിശീലകൻ ഡീഗോ സിമിയോണിയിൽ നിന്നും ലഭിച്ച ഉപദേശങ്ങളെക്കുറിച്ച് സംസാരിക്കുകയാണ് ഇംഗ്ലണ്ട് താരം ട്രിപ്പിയർ. മെസിക്കെതിരെ മത്സരങ്ങൾ വരുമ്പോൾ കളിക്ക് മുമ്പേ താരങ്ങളോട് പ്രാർത്ഥിക്കാൻ സിമിയോണി ആവശ്യപ്പെടുമായിരുന്നുവെന്നാണ് സിമിയോണി പറഞ്ഞത്. സെറ്റാൻസ്പോർട്‌സ് ടിവിയിലൂടെ സംസാരിക്കുകയായിരുന്നു ഇംഗ്ലീഷ് താരം. 

''മെസി സാധാരണയുള്ള ഒരു താരമല്ല. അദ്ദേഹത്തിനെതിരെ കളിക്കാൻ പദ്ധതിയിടുമ്പോൾ സിമിയോണി ഞങ്ങളോട് പ്രാർത്ഥിക്കാൻ പറഞ്ഞ സന്ദർഭങ്ങൾ ഉണ്ടായിട്ടുണ്ട്. സിമിയോണി അത് പറയുന്ന സമയങ്ങളിൽ കളിക്കളത്തിൽ ഞങ്ങൾ ഒരു വലിയ പ്രശ്നമാണ് നേരിടാൻ പോവുന്നതെന്ന് മനസിലാക്കിയിരുന്നു'' ട്രിപ്പിയർ പറഞ്ഞു. 

തന്റെ ഫുട്ബോൾ കരിയറിൽ അഞ്ചു മത്സരങ്ങളിലാണ് ട്രിപ്പിയർ മെസിക്കെതിരെ കളിച്ചിട്ടുള്ളൂ. ഇതിൽ രണ്ട് മത്സരങ്ങളിൽ വിജയിക്കാൻ ഇംഗ്ലണ്ട് താരത്തിന് സാധിച്ചു. ഈ രണ്ട് ജയങ്ങളും ട്രിപ്പിയർ സ്വന്തമാക്കിയത് സ്പാനിഷ് ക്ലബ്ബിനൊപ്പമാണ്. 

നിലവിൽ മെസി അമേരിക്കൻ ക്ലബ് ഇന്റർ മയാമിയുടെ താരമാണ്. 2023ലാണ് മെസി പാരീസ് വിട്ട് മേജർ ലീഗിലേക്ക് പോയത്. മെസിയുടെ വരവോടെ ഇന്റർ മയാമി വേണ്ടി മിന്നും പ്രകടനമാണ് നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഇതിന് പുറമെ സപ്പോർട്ടേഴ്‌സ് ഷീൽഡും മയാമി സ്വന്തമാക്കി. ഈ സീസണിൽ ഇന്റർ മയമിക്കായി ഒമ്പത് മത്സരങ്ങളിൽ നിന്നും എട്ട് ഗോളുകളും മൂന്ന് അസിസ്റ്റുകളും ആണ് മെസി സ്വന്തമാക്കിയിട്ടുള്ളത്. 

Kieran Trippier talks Diego Simeone used to tell their to pray when we were going to play against Lionel Messi