ഗവി: കെഎസ്ആർടിസി ബസിൽ ഗവിയിലേക്ക് യാത്ര പോയ ആളുകൾ വനത്തിൽ കുടുങ്ങി. ബസ് കേടായതിന് പിന്നാലെയാണ് യാത്ര സംഘം വനത്തിൽ കുടുങ്ങിയത്. ബസിൽ 38 യാത്രക്കാരും രണ്ട് ജീവനക്കാരും ആണ് ഉണ്ടായിരുന്നത്. കൊല്ലം ചടയമംഗലത്ത് നിന്നായിരുന്നു യാത്ര ആരംഭിച്ചത്. മൂഴിയാറിലെ വനമേഖലിയാണ് ബസ് കുടുങ്ങിയത്. ബസ് കേടായ സമയങ്ങളിൽ വിവരം അറിയിച്ചിട്ടും ആദ്യം പ്രതികരണമൊന്നും ഉണ്ടായില്ലെന്നാണ് യാത്രക്കാർ പറയുന്നത്.   

പത്തനംതിട്ടയിലെ കോന്നി അടവി ഇക്കോ ടൂറിസം സന്ദർശിച്ചതിന് ശേഷമായിരുന്നു യാത്രക്കാർ ഗവിയിലേക്ക് പോയത്. എന്നാൽ മൂഴിയാറിൽ എത്തിയപ്പോൾ ബസ് ബ്രേക്ക് ഡൗൺ ആവുകയായിരുന്നു. വനത്തിന്റെ അതിർത്തി കടന്നുകൊണ്ട് കിലോ മീറ്ററോളം ബസ് കടന്നു പോയതിനു ശേഷം ആയിരുന്നു സംഭവം നടന്നത്. 

കേടായ ബസിന് പകരം മറ്റൊരു ബസ് സ്ഥലത്തേക്ക് എത്തിയെങ്കിലും അതും കേടാവുകയായിരുന്നു. ബസ് തകരാറിൽ ആയ വിവരം ലഭിച്ചപ്പോൾ തന്നെ മറ്റൊരു ബസ് പകരം അയച്ചുവെന്നും മെക്കാനിക്കിനെ ഉൾപ്പടെ അയച്ചിരുന്നുവെന്നും കെഎസ്ആർടിസി അധികൃതർ അറിയിച്ചു. 

KSRTC bus to Gavi breaks down group stranded in forest