കൊല്‍ക്കത്ത: വഖഫ് നിയമഭേദഗതിക്കെതിരെ ബംഗാളിലുണ്ടായ സംഘര്‍ഷത്തിന് പിന്നില്‍ ബിജെപിയെന്ന് മുഖ്യമന്ത്രി മമത ബാനര്‍ജി. മുര്‍ഷിദാബാദലുണ്ടായ ആക്രമണം ബിജെപി ആസൂത്രണം ചെയ്തതാണെന്നും വഖഫ് വിഷയത്തില്‍ തൃണമൂലിന് പങ്കുണ്ടെന്ന ബിജെപി ആരോപണം അടിസ്ഥാന രഹിതമാണെന്നും മമത പറഞ്ഞു. ഇമാമുമാരുമായി നടത്തിയ കൂടിക്കാഴ്ച്ചയിലാണ് പരാമര്‍ശം. 

ബിജെപി ആരോപിക്കുന്നത് പോലെ വഖഫ് സമരവുമായി ബന്ധപ്പെട്ട ആക്രമണങ്ങളില്‍ തൃണമൂലിന് പങ്കുണ്ടെങ്കില്‍ ഞങ്ങളുടെ നേതാക്കളുടെ വീടുകള്‍ ആക്രമിക്കപ്പെടുകയില്ലായിരുന്നു. ആക്രമണങ്ങളില്‍ പൂര്‍ണ്ണ ഉത്തരവാദിത്വം കേന്ദ്ര സര്‍ക്കാരിനാണ്. ചില ഗോദി മീഡിയകള്‍ തനിക്കെതിരെ മനപൂര്‍വ്വം വ്യാജ വാര്‍ത്തകള്‍ പ്രചരിപ്പിക്കുകയാണ്,' മമത പറഞ്ഞു. 
 
കൂടാതെ വഖഫ് നിയമഭേദഗതിക്കെതിരെ പ്രവര്‍ത്തിക്കുന്നവരില്‍ മുന്‍നിരയില്‍ തന്നെ തൃണമൂല്‍ കോണ്‍ഗ്രസ് ഉണ്ടെന്നും, 
മുര്‍ഷിദാബാദിലേതെന്ന രീതിയില്‍ പ്രചരിപ്പിക്കുന്ന വീഡിയോകള്‍ വ്യാജമാണെന്നും മമത കൂട്ടിച്ചേര്‍ത്തു. 

അതേസമയം മുര്‍ഷിദാബാദിലെ ആക്രമണങ്ങളില്‍ ജനങ്ങള്‍ ജാര്‍ഖണ്ഡിലേ ദുരിതാശ്വാസ ക്യാമ്പിലേക്ക് പാലായനം ചെയ്യുന്നതായി റിപ്പോര്‍ട്ട്. മാര്‍ഡയില്‍ തുടങ്ങിയ ക്യാമ്പിലേക്ക് കൂടുതല്‍ കുടുംബങ്ങള്‍ എത്തിക്കൊണ്ടിരിക്കുകയാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

Mamata Banerjee accused the BJP of the Murshidabad attack and also slammed the Godi media for spreading fake news against the Trinamool Congress