ദോഹ: ഇന്നലെ പുലർച്ചെ മുതൽ വടക്കൻ  മേഖലയിൽ രൂപം കൊണ്ട പൊടിക്കാറ്റ് ഖത്തറിലും ശക്തമായി തുടരുന്നതിനാൽ വാഹനമോടിക്കുന്നവരും ആരോഗ്യവും ശ്രദ്ധിക്കണമെന്ന് മുന്നറിയിപ്പ്. ശക്തമായ പൊടിക്കാറ്റ് നിലനിൽക്കുന്നതിനാൽ റോഡിൽ ദൃശ്യപരത കുറവായിരിക്കുമെന്നും അതിനാൽ വാഹനമോടിക്കുമ്പോൾ അപകട സാധ്യത കൂടുതലാണെന്നും അറിയിപ്പുണ്ട്.വാഹനമോടിക്കുന്നകാർ സുരക്ഷിതമായി ശ്രദ്ധയോടെ ഡ്രൈവ് ചെയ്യണം. പൊടിക്കാറ്റ് മൂലം ആരോഗ്യപരമായ ബുദ്ധിമുട്ടുള്ളവർ ശ്രദ്ധിക്കണമെന്ന് ആരോഗ്യ രംഗത്തെ വിദഗ്ധരും അഭിപ്രായപെടുന്നുണ്ട്. പൊടി മൂലം ഉണ്ടാകുന്ന ആസ്ത്മ, അലർജി തുടങ്ങിയ ബുദ്ധിമുട്ടുള്ളവർ മാസ്ക് ധരിക്കണമെന്നും അത്യാവശ്യങ്ങൾക്ക് മാത്രമേ പുറത്തിറങ്ങാവൂ എന്നും മുന്നറിയിപ്പുണ്ട്. തൊഴിലാളികൾ ആവശ്യമായ മുൻകരുതലുകൾ സ്വീകരിക്കണമെന്ന് ഇന്നലെ തന്നെ തൊഴിൽ മന്ത്രാലയത്തിന്റെ മുന്നറിയിപ്പ് ഉണ്ടായിരുന്നു.

അത്യാവശ്യമുണ്ടെങ്കിൽ മാത്രം പുറത്തിറങ്ങുക, വാഹനമോടിക്കുന്നവർ സുരക്ഷയോടെയും ശ്രദ്ധയോടെയും വാഹനമോടിക്കുക, കുട്ടികളും പ്രായമായവരും പുറത്തിറങ്ങാതിരിക്കുക, ആരോഗ്യപരമായ ബുദ്ധിമുട്ടുള്ളവർ ആവശ്യമുള്ള മുൻകരുതലുകൾ എടുത്തു മാത്രം പുറത്തിറങ്ങുക തുടങ്ങിയ നിർദ്ദേശങ്ങൾ വിവിധ മന്ത്രാലയങ്ങൾ അവരുടെ സോഷ്യൽ മീഡിയ പേജുകളിലൂടെ അറിയിച്ചിട്ടുണ്ട്.

Ongoing dust storms are affecting visibility and air quality. Health experts advise motorists to wear masks and avoid long exposure while driving. Stay alert and stay safe on the roads.