ട്രംപിന്റെ തീരുവയില്‍ സ്വര്‍ണവില കൂപ്പുകുത്തുന്നു. തുടര്‍ച്ചയായ രണ്ടാം ദിവസവും ഇടിവാണ് സ്വര്‍ണവിലയില്‍ കാണിക്കുന്നത്. റെക്കോര്‍ഡിന് മേല്‍ റെക്കോര്‍ഡ് സൃഷ്ടിച്ച് 68,000 വരെ കടന്ന പൊന്നിന്‍ വിലയാണ് ഇപ്പോള്‍ ഒറ്റയടിക്ക് താഴേക്ക് വീണിരിക്കുന്നത്. 

ട്രംപിന്റെ പകരച്ചുങ്കവും ചൈനയുടേയും കാനഡയുടേയും തിരിച്ചടിയുമാണ് സ്വര്‍ണ വിപണിയിലും പ്രതിഫലിച്ചതെന്നാണ് കണക്കു കൂട്ടല്‍. ഇന്നലേയും ഇന്നുമായി 2000 രൂപയുടെ ഇടിവാണ് സ്വര്‍ണം രേഖപ്പെടുത്തിയിരിക്കുന്നത്. ആഗോള ഓഹരി വിപണിയും കഴിഞ്ഞ രണ്ട് ദിവസമാണ് വന്‍ ഇടിവിലാണ്. അതേസമയം,  ഏപ്രില്‍ രണ്ട് മുതല്‍ നിലവില്‍ വന്ന ട്രംപിന്റെ പുതിയ താരിഫ് നയം പ്രാബല്യത്തില്‍ സ്വര്‍ണ വില വര്‍ധിപ്പിക്കേണ്ടതായിരുന്നുവെന്നും നിരീക്ഷകര്‍ ചൂണ്ടിക്കാട്ടുന്നു. പുതിയ താരിഫ് നയത്തില്‍ പലതും ഏപ്രില്‍ 5 മുതല്‍ ആണ് നടപ്പിലാക്കുകയെന്നും അതിന് ശേഷം സ്ഥിതി മാറിമറിഞ്ഞേക്കാമെന്നും സൂചനയുണ്ട്. 

ഇന്നത്തെ വിലവിവരം നോക്കാം. 

22കാരറ്റ്
ഒരു ഗ്രാം കുറഞ്ഞത് 90 രൂപ, ഗ്രാം വില 8,310
പവന്‍ കറഞ്ഞത് 720 രൂപ, പവന്‍ വില 66,480

24 കാരറ്റ്
ഒരു ഗ്രാം കുറവ് 98രൂപ, ഗ്രാം വില 9,066
പവന്‍ കുറവ് 784 രൂപ, പവന്‍ വില 72,528

18 കാരറ്റ്
ഒരു ഗ്രാം കുറവ് 74രൂപ, ഗ്രാം വില 6,799
പവന്‍ വര്‍ധന 592 രൂപ, പവന്‍ വില 54,3

സാമ്പത്തിക രംഗത്ത് അനിസ്ചിതത്വം തുടരുന്ന സന്ദര്‍ഭങ്ങളില്‍ സ്വര്‍ണം ഒരു സുരക്ഷിത ഉരവിടമാകുമെന്ന് നിരീക്ഷകര്‍ വ്യക്തമാക്കുന്നു. അതുകൊണ്ട് തന്നെ സ്വര്‍ണം എക്കാലത്തും ഒരു ജനപ്രിയ നിക്ഷേപമാണ്. മറ്റു വിപണികളില്‍ നേരിടുന്ന നഷ്ടം നികത്താനും പണം സ്വരൂപിക്കുന്നതിനും നിക്ഷേപകര്‍ ഗണ്യമായ രീതിയില്‍ ഓഹരികള്‍ വില്‍ക്കുന്ന സാഹചര്യത്തിനും ഇപ്പോള്‍ സാധ്യതയുണ്ട്. ഇതെല്ലാം സ്വര്‍ണവിലയിലെ ഇടിവിന് കാരണമായി നിരീക്ഷകര്‍ ചൂണ്ടിക്കാട്ടുന്നു. 

അതേസമയം, തന്നെ സ്വര്‍ണം മിക്കവരുടെയും ജനപ്രിയ നിക്ഷേപ ഓപ്ഷനായി നിലനില്‍ക്കുന്നു. ഈ അനിശ്ചിത സമയത്ത് മറ്റ് വിപണികളിലെ നഷ്ടം നികത്തുന്നതിനും പണം സ്വരൂപിക്കുന്നതിനും നിക്ഷേപകര്‍ക്ക് ഗണ്യമായ നേട്ടങ്ങള്‍ ലഭിക്കുന്ന ആസ്തികള്‍ വില്‍ക്കാന്‍ തീരുമാനിച്ചേക്കാം. ഇതായിരിക്കാം സ്വര്‍ണവിലയില്‍ ഇപ്പോഴുണ്ടായ ഇടിവ് കാരണം എന്നാണ് വിവരം. ഇന്നത്തെ ഗ്രാം, പവന്‍ നിരക്കുകള്‍ നോക്കാം..

എന്തുതന്നെയായാലും സ്വര്‍ണം വാങ്ങാനിരിക്കുന്നവര്‍ക്ക് കനത്ത ആശ്വാസമാണിത്. പ്രത്യേകിച്ച് കേരളത്തില്‍ ഇപ്പോള്‍ വിവാഹ സീസണ്‍ ആണെന്നിരിക്കേ. എന്നാല്‍ പവന്‍ സ്വര്‍ണം വാങ്ങാനാണ് ഈ വില. വിവാഹാവശ്യത്തിനും മറ്റും ഉപയോഗിക്കാന്‍ സ്വര്‍ണം ആഭരണമായാണ് സാധാരണ വാങ്ങിക്കുന്നത്. സ്വര്‍ണം ആഭരണമായി വാങ്ങുമ്പോള്‍ ഈ വിലയും മതിയാവില്ല. ജി.എസ്.ടി, ഹാള്‍മാര്‍ക്കിംഗ് നിരക്കുകള്‍ ഒപ്പം പണിക്കൂലിയും ഒരു ആഭരണത്തിന് മേല്‍ അധികം വരും. പണിക്കൂലിയിലും വ്യത്യാസമുണ്ട്. ഡിസൈന്‍ അനുസരിച്ചാണ് പണിക്കൂലി വരിക. ഡിസൈന്‍ കൂടുന്നതനുസരിച്ച് പണിക്കൂലിയും കൂടും. ഇതനുസരിച്ച് പവന്‍ സ്വര്‍ണാഭരണം വാങ്ങണമെങ്കില്‍ 70,000 രൂപയുടെ അടുത്തെത്തുമെന്നും വ്യാപാരികള്‍ അറിയിക്കുന്നു.

Gold prices continue to fall for the second straight day following U.S. President Donald Trump’s tariff policy. After hitting a record high of ₹68,000, the value of gold has sharply declined, alarming investors and traders.