കോഴിക്കോട്: വസ്ത്രം മാറ്റിയെടുക്കാനെത്തിയ പന്ത്രണ്ടുകാരനെ കഴുത്തിൽ പിടിച്ച് തള്ളിയ ടെക്‌സ്റ്റൈൽസ് ജീവനക്കാരൻ അറസ്റ്റിൽ. തൊട്ടിൽപ്പാലം ചാത്തൻകോട്ട് നടയിലെ ചേനക്കാത്ത് അശ്വന്ത് ആണ് അറസ്റ്റിലായത്.

സംഭവം കഴിഞ്ഞ ദിവസം വൈകീട്ടോടെയാണ് നടന്നത്. തൊട്ടിൽപ്പാലത്ത് ഒരു ടെക്‌സ്റ്റൈൽ ഷോറൂമിൽ നിന്ന് വാങ്ങിയ വസ്ത്രം അളവ് പാകമാകാത്തതിനെ തുടർന്ന് മാറ്റിയെടുക്കാൻ എത്തിയപ്പോഴാണ് കുട്ടി ജീവനക്കാരന്റെ ആക്രമണത്തിനിരയായത്. കഴിഞ്ഞ വ്യാഴാഴ്ച പിതാവിനൊപ്പമെത്തിയ കുട്ടി ഇവിടെ നിന്ന് വസ്ത്രം വാങ്ങിയിരുന്നു.

ഷോറൂമിലെ സിസിടിവി ദൃശ്യങ്ങൾ പരിശോധിച്ചപ്പോൾ ജീവനക്കാരൻ കുട്ടിയെ കഴുത്തിൽ പിടിച്ച് തള്ളുന്നതും ആക്രമിക്കുന്നതും വ്യക്തമായിരുന്നു. സംഭവത്തെ തുടർന്ന് കുട്ടി കുറ്റ്യാടി ഗവ. താലൂക്ക് ആശുപത്രിയിൽ ചികിത്സ തേടിയിട്ടുണ്ട്.

തുടർ നടപടിയായി അശ്വന്തിനെ തൊട്ടിൽപ്പാലം പൊലീസ് അറസ്റ്റ് ചെയ്തു. സംഭവത്തെ തുടർന്ന് ജീവനക്കാരനെ ജോലിയിൽ നിന്ന് ഒഴിവാക്കിയതായി ഷോറൂം ഉടമ അറിയിച്ചു.

ozhikode: A textile shop employee was arrested for grabbing a 12-year-old boy by the neck and pushing him while he was trying to change clothes. The incident occurred in a textile showroom in Thottilpalam. The accused, identified as Aswanth from Chathankott Nada, was taken into custody by the police after CCTV footage confirmed the assault.