കുവൈത്ത് സിറ്റി: റമദാനോടനുബന്ധിച്ച്  വിപണിയിലെ ഓഫറുകളും വിലവര്‍ധനവും പരിശോധിക്കാന്‍ നേരിട്ട് ഇറങ്ങി കുവൈത്ത് സാമൂഹിക ക്ഷേമ വകുപ്പ് മന്ത്രി. കുവൈത്തിലെ കോഓപ്പറേറ്റീവ് സൊസൈറ്റികളില്‍ ഒന്നിലാണ് സാമൂഹിക ക്ഷേമ വകുപ്പ് മന്ത്രിയായ ഡോ അംതാല്‍ അല്‍ ഹുവൈലാണ് നേരിട്ട് പരിശോധനക്ക് ഇറങ്ങിയത്. വില വര്‍ധനവിനെക്കുറിച്ച് വിപണിയില്‍ നിന്ന് നേരിട്ട് മനസ്സിലാക്കുന്നതിനായാണ് മന്ത്രി ഇത്തരമൊരു നീക്കം നടത്തിയത്.

കോഓപ്പറേറ്റീവ് സൊസൈറ്റിയില്‍ സാധനങ്ങള്‍ വാങ്ങാന്‍ എത്തിയവരുടെ പരാതികളും നിര്‍ദേശങ്ങളും മന്ത്രി കേട്ടു. വിലവര്‍ധിപ്പിച്ച് കൊള്ളലാഭം ഉണ്ടാക്കുന്നത് തടയുന്നതിനും പൊതുജനത്തെ മണ്ടന്‍മാരാക്കുന്നതും തടയുന്നതിനായി മിന്നല്‍പരിശോധനകള്‍ തുടരുമെന്ന് മന്ത്രി വ്യക്തമാക്കി.

സഹകരണ സംഘങ്ങളുടെ പ്രതിബദ്ധത മന്ത്രാലയം സൂക്ഷ്മമായി നിരീക്ഷിക്കുന്നുണ്ടെന്നും പുണ്യമാസത്തില്‍ ഉപഭോക്തൃ ആവശ്യങ്ങള്‍ക്ക് അനുസൃതമായ രീതിയില്‍ സാധനങ്ങള്‍ നല്‍കുന്നുണ്ടെന്ന് ഉറപ്പാക്കുന്നുണ്ടെന്നും അവര്‍ ചൂണ്ടിക്കാട്ടി. വിപണി സ്ഥിരത ഉറപ്പാക്കുന്നതിനും ഉടമകളുടെയും ഉപഭോക്താക്കളുടെയും അവകാശങ്ങള്‍ സംരക്ഷിക്കുന്നതിനുമുള്ള നിയന്ത്രണങ്ങളോടുള്ള അവരുടെ പ്രതിബദ്ധതയുടെ പ്രാധാന്യം ഹുവൈല്‍ ഊന്നിപ്പറഞ്ഞു.

പുണ്യമാസത്തില്‍ ഭക്ഷ്യസുരക്ഷയും ഉപഭോക്തൃ സ്ഥിരതയും കൈവരിക്കുന്നതില്‍ സഹകരണ സംഘങ്ങളുടെ പങ്ക് വര്‍ധിപ്പിക്കുന്നതിനും മികച്ച സേവനങ്ങള്‍ ഉറപ്പാക്കുന്നതിനും മന്ത്രാലയം സഹകരണ സംഘങ്ങളുടെ മേല്‍നോട്ടം തുടരുന്നുണ്ടെന്ന് പറഞ്ഞുകൊണ്ടാണ് അല്‍ ഹുവൈല്‍ തന്റെ പര്യടനം അവസാനിപ്പിച്ചത്.

Aim to prevent price gouging; The Minister of Social Welfare Department of Kuwait came to inspect the lightning