തിരുവനന്തപുരം: കേരളത്തെ നടക്കിയ തിരുവനന്തപുരം കൂട്ടക്കൊലയിൽ പ്രതിയുടെ മൊഴിയിൽ ദുരൂഹതയുണ്ടെന്ന് പോലീസ്.പ്രതിയുടെ മൊഴികളിൽ വൈരുധ്യമുണ്ടെന്നും പ്രതിയെ ചോദ്യം ചെയ്തുവരുകയാണെന്നും കൊലപാതകത്തിന്‍റെ യഥാര്‍ത്ഥ കാരണം ഈ ഘട്ടത്തിൽ പറയാൻ സാധിക്കില്ലെന്നും പൊലീസ് പറഞ്ഞു. പിതാവിന് 75 ലക്ഷം രൂപയുടെ കടമുണ്ടെന്നാണ് അഞ്ചുപേരെ കൊലപ്പെടുത്തിയ പ്രതി അഫാൻ മൊഴി നൽകിയത്. കടത്തെ ചൊല്ലി വീട്ടിൽ ഇന്ന് തർക്കം നടന്നെന്നും അതിനെ തുടർന്ന് ആരും ജീവിക്കണ്ട എന്ന് പറഞ്ഞുവെന്നും അഫാൻ മൊഴി നൽകിയിട്ടുണ്ട്.

പ്രതി കൊല നടത്തിയത് ചുറ്റിക കൊണ്ട് അടിച്ചാണെന്നാണ് മൊഴി. വിദേശത്ത് സ്പെയര്‍പാര്‍ട്സ് കടയുള്ള പിതാവിന്‍റെ ബിസിനസ് തകര്‍ന്ന് കടബാധ്യത കേറിയതാണ് കൊലപാതക കാരണമെന്നാണ് പ്രതിയുടെ മൊഴി. കടബാധ്യതയ്ക്കിടെ പെണ്‍സുഹൃത്തിനെ വീട്ടിൽ വിളിച്ചു കൊണ്ട് വരുന്നതുമായി ബന്ധപ്പെട്ട് വീട്ടിൽ തര്‍ക്കം നടന്നു. ഇട്ടതിനെ തുടർന്ന സഹായത്തിനായി ബന്ധുവീടുകളിലേക്കും പോയെന്നും അവിടെയും തര്‍ക്കം നടന്നുവെന്നും ആരും സഹായം ചോദിച്ചിട്ട് സഹായിച്ചില്ലെന്നും പ്രതി മൊഴി നൽകി. പ്രതിയുടെ മാതാവുമായാണ് തര്‍ക്കം നടന്നത്. ആദ്യം മാതാവിന്‍റെ കഴുത്ത് ഞെരിച്ചു. ഇതിനുശേഷം മരിക്കാൻ തീരുമാനിച്ചു. എന്നാൽ, കടം ചോദിച്ച് ബന്ധുക്കളുടെ അടുത്ത് ചെന്നപ്പോൾ ആരും കടം തന്നില്ലെന്നും പ്രതി മൊഴി നൽകി.

ഇതിനുപിന്നാലെയാണ് കൂട്ടക്കൊല നടത്തിയത്.ഇന്ന് വൈകുന്നേരമാണ് പ്രതിയുടെ പെണ്‍സുഹൃത്തിനെ  വീട്ടിലേക്ക് വിളിച്ചു കൊണ്ടുവന്നത്. ഇന്ന് വൈകിട്ട് മൂന്നരയ്ക്കാണ് വെഞ്ഞാറമൂടിലെ വീട്ടിൽ നിന്ന് പെണ്‍കുട്ടി ഫര്‍സാൻ പോയതെന്ന് ഗ്രാമപഞ്ചായത്തംഗം പറഞ്ഞു. ട്യൂഷൻ എന്നുപറഞ്ഞാണ് പിജി വിദ്യാര്‍ത്ഥിയായ ഫര്‍സാന വീട്ടിൽ നിന്ന് അഫാനോടോപ്പം പോയത്. 

പിതാവിന്‍റെ മാതാവിനോടും സഹായം ചോദിച്ചെങ്കിലും അവരും സഹായിക്കാൻ തയ്യാറാവാതത്തിനാൽ അവരെയും കൊല്ലാൻ തീരുമാനിച്ചുവെന്നും അതിനുശേഷം സ്വയം ജീവനൊടുക്കാനാണ് തീരുമാനിച്ചതെന്നും പ്രതി മൊഴി നൽകി. പിതാവിന്‍റെ മാതാവിനെ കൊലപ്പെടുത്തിയശേഷം അവരുടെ മാലയും പ്രതി മോഷ്ടിച്ചിരുന്നു. ഇതിനുശേഷം പിതാവിന്‍റെ സഹോദരനെയും ഭാര്യയെയും കൊലപ്പെടുത്തുകയായിരുന്നു. ഈ കൊലപാതകങ്ങള്‍ക്കുശേഷമാണ് പെൺ സുഹൃത്തിനെ പ്രതി വിളിച്ചു കൊണ്ടുവന്നത്. ഇതിനിടെ വീണ്ടും വീട്ടിൽ തര്‍ക്കം നടന്നു. അപ്പോഴാണ് പ്രതി സഹോദരനെയും പെണ്‍കുട്ടിയെയും കൊലപ്പെടുത്തിയതും മാതാവിനെ കൊലപ്പെടുത്താൻ ശ്രമിച്ചതും. വെട്ടേറ്റ മാതാവ് ഗുരുതരാവസ്ഥയിലാണ് ഹോസ്പിറ്റലിലാണ്. 

നാട്ടിലടക്കം പലരിൽ നിന്നായി വൻ തുക കടം വാങ്ങിയതായും പ്രതി മൊഴി നൽകി. കടബാധ്യത കാരണം ജീവിക്കാൻ കഴിയാതെ വന്നപ്പോഴാണ്  എല്ലാവരെയും കൊന്ന് ജീവിതം അവസാനിപ്പിക്കാൻ തീരുമാനിച്ചതെന്നും പ്രതി മൊഴി നൽകി. താൻ മരിച്ചാൽ കാമുകി തനിച്ചാകും എന്ന് കരുതിയാണ് കാമുകിയെ വീട്ടിൽ നിന്ന് വിളിച്ച് സ്വന്തം വീട്ടിലേക്ക് കൊണ്ട് വന്നു വെട്ടികൊലപ്പെടുത്തിയതെന്നും പ്രതി മൊഴി നൽകി.