ഡൽഹി: യുഎസ് നാടുകടത്തിയ അനധികൃത ഇന്ത്യൻ കുടിയേറ്റക്കാരുമായുള്ള നാലാമത്തെ ബാച്ച് വിമാനം ഇന്ന് ഡൽഹിയിലെത്തി. അനധികൃത ഇന്ത്യൻ കുടിയേറ്റക്കാരുടെ നാലാമത്തെ സംഘം ഇന്ത്യയിൽ എത്തിയായി അധികൃതർ അറിയിച്ചു. അമേരിക്കയിൽ നിന്നുള്ള 12  ഇന്ത്യൻ കുടിയേറ്റക്കാരാണ് ഡൽഹിലെത്തിയത്. അമേരിക്കയിൽ നിന്ന് പനാമയിലേക്ക് നാടുകടത്തപ്പെട്ട ഇന്ത്യക്കാരാണ് തിരിച്ചെയെത്തിയതെന്നാണ് റിപ്പോർട്ടുകൾ. തിരിച്ചെത്തിയവരിൽ നാല് പേർ പഞ്ചാബ് സ്വദേശികളാണ്.

യുഎസ് പ്രസിഡന്റ് ഡൊണാൾഡ് ട്രംപിന്റെ നയങ്ങൾ പ്രകാരം നാടുകടത്തിയ 300 ഓളം അനധികൃത കുടിയേറ്റക്കാരെ പനാമയിലെ ഒരു ഹോട്ടലിൽ തടവിലാക്കിയിരിക്കുകയാണെന്ന് റിപ്പോർട്ടുകൾ ഉണ്ടായിരുന്നു. ഇവരെ സ്വന്തം രാജ്യങ്ങളിലേക്ക് തിരിച്ചയക്കാനുള്ള നടപടികളാണ് യുഎസ് ഇപ്പോൾ നടത്തുന്നത്. 17-ാം തീയതിയായിരുന്നു 112 ഇന്ത്യൻ കുടിയേറ്റക്കാരുമായി മൂന്നാമത്തെ വിമാനം യുഎസിൽ നിന്നും ഇന്ത്യയിലെത്തിയത്. 

നാല് തവണയായി ആകെ 347 പേരെയാണ് അമേരിക്ക ഇതുവരെ ഇന്ത്യയിലേക്ക് തിരിച്ചയച്ചത്. 104 പേരുമായി അമേരിക്കയിൽ നിന്നുള്ള ആദ്യ സി-17 സൈനിക വിമാനം അമൃത്‍സറിലെത്തിയത് ഫെബ്രുവരി അഞ്ചിനായിരുന്നു. തീർത്തും മനുഷ്യത്വരഹിതമായ രീതിയിൽ കൈവിലങ്ങും കാൽച്ചങ്ങലയും അണിയിച്ചാണ് ഇവരെ കൊണ്ടുവന്നത്. ഇത് വലിയ വിമർശനങ്ങൾക്ക് വഴിവെച്ചിരുന്നു.

A fourth US flight carrying 12 Indian nationals, who were deported from the United States, has landed in Delhi, marking another batch of deportations in recent months.