അബൂദബി: ആസന്നമായ റമദാനിലെ ഫെഡറല്‍ അതോറിറ്റികളിലെ ജീവനക്കാര്‍ക്കുള്ള ഔദ്യോഗിക പ്രവൃത്തി സമയം നിശ്ചയിച്ച് ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമന്‍ റിസോഴ്‌സസ് (എഫ്എഎച്ച്ആര്‍). സര്‍ക്കുലറിലൂടെയാണ് ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമന്‍ റിസോഴ്‌സസ് ഇതുസംബന്ധിച്ച വിവരം പുറത്തുവിട്ടത്.

സര്‍ക്കുലര്‍ പ്രകാരം, മന്ത്രാലയങ്ങളുടെയും ഫെഡറല്‍ അതോറിറ്റികളുടെയും ഔദ്യോഗിക പ്രവൃത്തി സമയം തിങ്കള്‍ മുതല്‍ വ്യാഴം വരെ രാവിലെ 9 മുതല്‍ ഉച്ചയ്ക്ക് 2:30 വരെയും വെള്ളിയാഴ്ച രാവിലെ 9 മുതല്‍ ഉച്ചയ്ക്ക് 12 വരെയും ആയിരിക്കും.

റമദാനില്‍ മന്ത്രാലയങ്ങള്‍ക്കും ഫെഡറല്‍ അധികാരികള്‍ക്കും അവരുടെ നിര്‍ദ്ദിഷ്ട ആവശ്യകതകള്‍ക്കനുസൃതമായും പ്രതിദിന പ്രവൃത്തി സമയത്തിന്റെ പരിധിക്കുള്ളിലായി കൊണ്ടും വിദൂര ജോലി ഷെഡ്യൂളുകള്‍ നടപ്പിലാക്കാമെന്ന് FAHR പറഞ്ഞു. വിശുദ്ധ റമദാന്‍ മാസത്തില്‍ യുഎഇ നേതൃത്വത്തിനും പൗരന്മാര്‍ക്കും താമസക്കാര്‍ക്കും FAHR ആശംസകള്‍ അറിയിച്ചു.

UAE announces working hours for government employees during Ramadan