തെല്‍ അവീവ്: കാത്തിരിപ്പിന്റെ നീണ്ട കാലങ്ങള്‍ക്ക് അറുതിയാവുമെന്ന കരുതിയ അവസാന നിമിഷത്തിലാണ് ഇസ്‌റാീലിന്റെ ഭാഗത്തു നിന്ന് ആ കൊടുചതിയുണ്ടാവുന്നത്. കരാര്‍ പ്രകാരമുള്ള തടവുകാരെ കൈമാറാതെ ഇസ്‌റാഈലിന്റെ കൊടുംചതി. അവസാനം നടന്ന കൈമാറ്റത്തില്‍ ഹമാസ് ബന്ദികളെ മോചിപ്പിച്ചിട്ടും തങ്ങള്‍ വിട്ടയക്കാമെന്ന് പറഞ്ഞ തടവുകാരെ വിടാന്‍ ഇസ്‌റാഈല്‍ തയ്യാറായില്ല. 

കരാര്‍ പ്രകാരം ശനിയാഴ്ച ആറ് ബന്ദികളെ ഹമാസ് മോചിപ്പിച്ചിരുന്നു. എന്നാല്‍, പകരം കൈമാറുമെന്ന് പറഞ്ഞ 600 തടവുകാരെ പുറത്തുവിടാന്‍ ഇസ്‌റാഈല്‍ തയാറായിട്ടില്ല. ഹമാസ് അടുത്ത തവണ ബന്ദികളെ കൈമാറുന്നത് ഉറപ്പാക്കുന്നതുവരെ ഫലസ്തീന്‍ തടവുകാരുടെ മോചനം വൈകിപ്പിക്കുമെന്നാണ് ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫിസ് പുറത്തിറക്കിയ പ്രസ്താവനയില്‍ പറയുന്നത്. 

അതേസമയം, ഫലസ്തീന്‍ തടവുകാരെ വിട്ടയക്കാത്ത ഇസ്‌റാഈല്‍ നടപടി വെടിനിര്‍ത്തല്‍ കരാറിന്റെ നഗ്‌നമായ ലംഘനമാണെന്ന്് ഹമാസ് ചൂണ്ടിക്കാട്ടി. ആറ് ബന്ദികളെ റെഡ് ക്രോസിനാണ് ഹമാസ് കൈമാറിയത്. റെഡ് ക്രോസാണ് ഈ ബന്ദികളെ ഇസ്‌റാഈലിന് കൈമാറുക. 

അതിനിടെ, ബന്ദിയായിരിക്കെ മരിച്ച ഷിറീ ബീബസിന്റെ യഥാര്‍ഥ മൃതദേഹം ഹമാസ് കൈമാറിയതായി റിപ്പോര്‍ട്ടുകള്‍ പുറത്ത് വന്നിട്ടുണ്ട്. റെഡ്‌ക്രോസിനാണ് മൃതദേഹം കൈമാറിയതെന്നാണ് റിപ്പോര്‍ട്ട്. മൃതദേഹം പരിശോധിച്ച് ഷിറീ ബീബസ് തന്നെയാണോ എന്ന് ഉറപ്പാക്കാന്‍ ഇസ്‌റാഈല്‍ നടപടികള്‍ ആരെഭിച്ചതായും റിപ്പോര്‍ട്ടുകള്‍ പറയുന്നു. 

അതിനിടെ, ഇസ്‌റാഈല്‍ ഗസ്സയില്‍ നടത്തിയ ആക്രമണങ്ങളില്‍ മരിച്ചവരുടെ പുതിയ കണക്കുകള്‍ ഫലസ്തീന്‍ ആരോഗ്യമന്ത്രാലയം പുറത്തുവിട്ടു. 48,319 ഫലസ്തീനികള്‍ ആക്രമണങ്ങളില്‍ മരിച്ചുവെന്നാമ് റിപ്പോര്‍ട്ടില്‍ പറയുന്നത്.  111,749 പേര്‍ക്ക് പരിക്കേറ്റതായും കണക്കുകളില്‍ നിന്നും വ്യക്തമാകും.  ഗസ്സയില്‍ ആകെ കൊല്ലപ്പെട്ടവരുടെ എണ്ണം ചുരുങ്ങിയത് 61,709 വരുമെന്നാണ് മീഡിയ ഓഫിസ് പറയുന്നത്.