കോഴിക്കോട്: താമരശ്ശേരി ചുത്തിൽ യുവാവ് കൊക്കയിൽ വീണ് മരിച്ചു. വയനാട്ടിലേക്ക് വിനോദയാത്ര പോവുകയായിരുന്ന വടകര വളയം തോടന്നൂർ വരക്കൂർ സ്വദേശി അമലാണ് (23) മരിച്ചത്. ഒൻപതാം വളവിൽ മൂത്രമൊഴിക്കാനായി ഇറങ്ങിയതായിരുന്നു ഇയാൾ. 

പുലർച്ചെ ഒന്നരയോടെയാണ് അപകടമുണ്ടായത്. കാൽ തെന്നി കൊക്കയിലേക്ക്  വീഴുകയായിരുന്നു. കോഴിക്കോട്ടെ സ്വകാര്യ സ്ഥാപനത്തിൽ ഡ്രൈവറായി ജോലി നോക്കുകയാണ് അമൽ.  സഹപ്രവർത്തകർക്കൊപ്പമാണ് വയനാട്ടിലേക്ക് വിനോദയാത്ര പുറപ്പെട്ടത്.

അമൽ അടക്കം 13 പേരാണ് ട്രാവലറിൽ ഉണ്ടായിരുന്നത്. കൽപ്പറ്റയിൽ നിന്നും ഫയർഫോഴ്സ് സംഘമെത്തിയാണ് മൃതദേഹം കൊക്കയിൽ നിന്നും പുറത്തെടുത്തത്.

A 23-year-old youth, Amal from Vatakara, fell from a cliff in Thamarassery while on a trip to Wayanad. The tragic incident occurred early in the morning as Amal stepped out to relieve himself at the ninth curve. Amal, a driver at a private firm in Kozhikode, was traveling with 13 others when the fatal accident took place.