കുവൈത്ത് സിറ്റി: സൈനിക പരിശീലനത്തിടെ ഉണ്ടായ അപകടത്തില്‍ രണ്ട് കരസേന ഉദ്യോഗസ്ഥര്‍ മരിച്ചു. കരസേനയിലെ അഹ്മദ് ഫര്‍ഹാത് ഹരത്, മുസാദ് സാലേഹ് എന്നിവര്‍ക്കാണ് അപകടത്തില്‍ ജീവന്‍ നഷ്ടമായത്. ബുധനാഴ്ച വൈകുന്നേരമാണ് ദാരുണമായ അപകടം നടന്നത്. അപകടത്തില്‍ പരുക്കേറ്റ മറ്റു രണ്ട് കരസേന ഉദ്യോഗസ്ഥരെ ജഹ്‌റ ആശുപത്രിയില്‍ പ്രവേശിപ്പിച്ചിരിക്കുകയാണ്. മരിച്ച രണ്ടു സൈനികരുടെ മൃതദേഹം പൂര്‍ണ ഔദ്യോഗിക ബഹുമതികളോടെ സുലൈബിയാഖത്ത് ശ്മശാനത്തില്‍ ഖബറടക്കി. 

അപകട കാരണത്തെക്കുറിച്ച് വിശദമായി അന്വേഷിക്കാന്‍ പ്രതിരോധമന്ത്രി ഷെയ്ഖ് അബ്ദുല്ല അലി അബ്ദുല്ല അല്‍ സബാഹിന്റെ നിര്‍ദേശ പ്രകാരം പ്രത്യേക അന്വേഷണ കമ്മീഷനെ ചുമതലപ്പെടുത്തിയിട്ടുണ്ട്. പരുക്കേറ്റ് ചികിത്സയില്‍ കഴിയുന്ന സൈനികരെ പ്രതിരോധ മന്ത്രി സന്ദര്‍ശിച്ചു.

Accident during military training Two army personnel died