തൃശൂര്‍:തൃശൂർ ഗുരുവായൂരിലെ വീട്ടുമുറ്റത്ത് നിന്ന് വാഹനം മോഷ്ടിച്ച കേസിൽ രണ്ട് പേര്‍ അറസ്റ്റിൽ. മല്ലാട് സ്വദേശി പുതുവീട്ടിൽ മനാഫ് (45), കൊടുങ്ങല്ലൂർ സ്വദേശി മാഹിൽ (22) എന്നിവരെയാണ് ഗുരുവായൂർ പോലീസ് പിടികൂടിയത്. ബുള്ളറ്റ് മോഷ്ടിച്ച കേസിലാണ് ഇവർ അറസ്റ്റിലായത്. 

മാഹിലും,മനാഫും, നിരവധി മോഷണ കേസുകളിൽ പ്രതികളാണ്. പേരകം സ്വദേശി നിഖിലിന്റെ വീട്ടുമുറ്റത്തു നിന്നാണ് പ്രതികൾ ബുള്ളറ്റ് മോഷ്ടിച്ചത്. നിഖിലിന്റെ പരാതിയെ തുടർന്ന് നടത്തിയ അന്വേഷണത്തിലാണ് പ്രതികൾ അറസ്റ്റിലായത്. കോടതിയിൽ ഹാജരാക്കിയ രണ്ട് പ്രതികളെയും റിമാൻഡ് ചെയ്തു.