ദുബൈ: യുഎഇ ടൂറിന്റെ സൈക്ലിങ് ഇവന്റ് നടക്കുന്നതിനാൽ ദുബൈയിലെ ചില റോഡുകൾ നാളെ താൽക്കാലികമായി അടച്ചിടുമെന്ന് റോഡ്, ​ഗതാ​ഗത അതോറിറ്റി അറിയിച്ചു. ഉച്ചയ്ക്ക് 12.30ന് ദുബൈയിലെ അമേരിക്കൻ യൂണിവേഴ്സിറ്റിയിൽ നിന്നാണ് റേസ് ആരംഭിക്കുന്നത്. ശൈഖ് സായിദ് റോഡ്, അൽ നസീം സ്ട്രീറ്റ്, അൽ ഖൈൽ റോഡ്, ൽ ജമായേൽ സ്ട്രീറ്റ്, ശൈഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റ്  തുടങ്ങിയ റൂട്ടുകളിലൂടെയാണ് സൈക്ലിങ് റേസ് കടന്നുപോകുന്നത്. റേസ് ഹംദാൻ ബിൻ മുഹമ്മദ് സ്മാർട്ട് യൂണിവേഴ്സിറ്റിക്ക് മുൻപായുള്ള പോയിന്റിൽ അവസാനിക്കും.160 കിലോ മീറ്ററാണ് റേസിന്റെ ആകെ ദൂരം. 

വൈകിട്ട് 4.30 വരെയായിരിക്കും ഗതാ​ഗത തടസ്സം നേരിടുകയെന്നും, 10 മുതൽ 15 മിനിട്ട് ദൈർഘ്യമുള്ള ഇടവേളകളിലായിട്ടായിരിക്കും റോഡുകൾ അടച്ചിടുന്നതെന്നും ആർടിഎ വ്യക്തമാക്കി. യാത്രക്കാരോട് പരിപാടി അവസാനിക്കുന്നത് വരെ അൽ ഖോർ റോഡ്, എമിറേറ്റ് റോഡ് തുടങ്ങിയ ബദൽ റൂട്ടുകൾ ഉപയോ​ഗിക്കണമെന്നും അധികൃതർ ആവശ്യപ്പെട്ടു.

ദുബൈ സ്പോർട്സ് സിറ്റിയിൽ ഐസിസി ചാമ്പ്യൻസ് ട്രോഫി ആരംഭിച്ചതിന്റെ ഭാ​ഗമായി ഇന്ന് ശൈഖ് മുഹമ്മദ് ബിൻ സായിദ് റോഡിലും ഹെസ്സ സ്ട്രീറ്റിലും ​ഗതാ​ഗത തടസ്സം നേരിടും. രാത്രി 9 മണി മുതൽ 11 മണി വരെയായിരിക്കും ഗതാ​ഗത തടസ്സം നേരിടുകയെന്നും ആർടിഎ അറിയിച്ചു.

Several roads in Dubai will be temporarily closed tomorrow due to the Dubai Marathon, affecting traffic in areas like Umm Suqeim and Jumeirah Beach Road