ജയ്പൂര്‍: 270 കിലോ ബാര്‍ബെല്‍ ഉയര്‍ത്തുന്നതിനിടെ ബാലന്‍സ് തെറ്റി കഴുത്തില്‍ വീണ് സ്വര്‍ണമെഡല്‍ ജേതാവായ 17കാരിക്ക് ദാരുണാന്ത്യം.  ജൂനിയര്‍ നാഷണല്‍ ഗെയിംസില്‍ പവര്‍ ലിഫ്റ്റിങ്ങില്‍ സ്വര്‍ണമെഡല്‍ ജേതാവായ രാജസ്ഥാന്‍ സ്വദേശി യാഷ്തിക ആചാര്യക്കാണ് പരിശീലനത്തിനിടെ അപകടമുണ്ടായത്. 270 കിലോ ഗ്രാം പരിശീലിക്കുന്നതിനിടെ ബാലന്‍സ് തെറ്റി ബാര്‍ബെല്‍ കഴുത്തില്‍ വീഴുകയായിരുന്നു. ബിക്കാനീര്‍ ജില്ലയില്‍ ചൊവ്വാഴ്ചയാണ് സംഭവം.

ബാര്‍ബെല്‍ വീണ് കഴുത്തൊടിഞ്ഞ് യാഷ്തിക പുറകിലേക്ക് മറിഞ്ഞു വീഴുന്ന വീഡിയോ പുറത്തു വന്നിട്ടുണ്ട്. അപകടം നടന്ന ഉടനെ തന്നെ സമീപത്തെ ആശുപത്രിയിലെത്തിച്ചെങ്കിലും അപ്പോഴെക്കും മരണം സംഭവിച്ചിരുന്നു. പരിശീലകന്റെ നിരീക്ഷണത്തില്‍ 270 കിലോ സ്‌ക്വാട്ടിന് തയാറെടുക്കുകയായിരുന്നു യാഷ്തിക. ബാര്‍ തോളിലെടുത്തെങ്കിലും പെട്ടെന്ന് ബാലന്‍സ് തെറ്റുകയായിരുന്നു. ഗ്രിപ്പില്‍ നിന്ന് തെന്നിയ ബാര്‍ അവരുടെ കഴുത്തില്‍ വീണു. പരിശീലകനും മറ്റുള്ളവരും ചേര്‍ന്ന് ബാര്‍ മാറ്റി കുട്ടിക്ക് സിപിആര്‍ നല്‍കിയെങ്കിലും ബോധം വീണ്ടെടുക്കാനായില്ല. ഉടന്‍ തന്നെ ആശുപത്രിയിലെത്തിച്ചെങ്കിലും മരണം സംഭവിച്ചുവെന്ന് നയാ ഷഹര്‍ എസ്എച്ച്ഒ വിക്രം തിവാരി പറഞ്ഞു. അപകടത്തില്‍ പരിശീലകനും പരുക്കേറ്റു. 

അപകടത്തിന്റെ വീഡിയോ സോഷ്യല്‍മീഡിയയില്‍ വ്യാപകമായി പ്രചരിക്കുന്നുണ്ട്. പോസ്റ്റുമോര്‍ട്ടത്തിന് ശേഷം മൃതദേഹം കുടുംബത്തിന് കൈമാറിയതായി പൊലിസ് വ്യക്തമാക്കി. കുടുംബം പരാതി നല്‍കിയിട്ടില്ല. എന്നാല്‍ അന്വേഷണം ആരംഭിച്ചതായി പൊലിസ് പറഞ്ഞു.

പവര്‍ലിഫ്റ്റിംഗിലെ വളര്‍ന്നുവരുന്ന താരമായ ഷ്തിക അടുത്തിടെ നടന്ന 29ാമത് രാജസ്ഥാന്‍ സ്റ്റേറ്റ് സബ്ജൂനിയര്‍ ആന്‍ഡ് സീനിയര്‍ പുരുഷവനിതാ എക്വിപ്പ്ഡ് ബെഞ്ച് പ്രസ് ചാമ്പ്യന്‍ഷിപ്പില്‍ സ്വര്‍ണ മെഡല്‍ നേടിയിരുന്നു. ഗോവയില്‍ നടന്ന 33ാമത് ദേശീയ ബെഞ്ച് പ്രസ് ചാമ്പ്യന്‍ഷിപ്പില്‍ എക്വിപ്പ്ഡ് വിഭാഗത്തില്‍ സ്വര്‍ണവും ക്ലാസിക് വിഭാഗത്തില്‍ വെള്ളിയും നേടി ദേശീയ തലത്തിലും ശ്രദ്ധ നേടിയിരുന്നു.

Tragic loss of a young athlete! 🏋️‍♀️💔 In Rajasthan's Bikaner, 1️⃣7️⃣-year-old power-lifter Yashtika Acharya, a Junior National Games gold medalist tragically lost her life while lifting 2️⃣7️⃣0️⃣ kg in the gym in the presence of a coach, a heavy

1/2 pic.twitter.com/UDPQnq3SmT

— Aarav Gautam (@IAmAarav8) February 19, 2025