തിരുവനന്തപുരം: പി.സി ചാക്കോ എന്‍.സി.പി അധ്യക്ഷ സ്ഥാനം രാജിവെച്ചു. രാജിക്കത്ത് ശരത്പവാറിന് കൈമാറി. ഇന്നലെ വൈകിട്ടാണ് രാജിക്കത്ത് കൈമാറിയത്. പാര്‍ട്ടിയില്‍ ആഭ്യന്തര തര്‍ക്കം രൂക്ഷമായ സാഹചര്യത്തിലാണ് രാജിയെന്നാണ് വിവരം. ദേശീയ വര്‍ക്കിംഗ് പ്രസിഡന്റ് സ്ഥാനത്ത് തുടരുമെന്നാണ് അറിയുന്നത്.

അതേസമയം, തോമസ് കെ തോമസും എ.കെ ശശീന്ദ്രനും കൈകോര്‍ക്കുന്നു എന്നാണ് സൂചന. തോമസ് കെ തോമസിനെ പ്രസിഡന്റ് ആക്കണമെന്ന് ആവശ്യപ്പെടാന്‍ ഒരുങ്ങുകയാണ് എ കെ ശശീന്ദ്രന്‍.

പി.സി ചാക്കോ അധ്യക്ഷ സ്ഥാനത്ത് എത്തിയതിനു പിന്നാലെയാണ് പാര്‍ട്ടിയില്‍ പ്രശ്‌നങ്ങളും വിഭാഗീയതയും രൂക്ഷമായതെന്ന് എതിര്‍പക്ഷം ആരോപിച്ചിരുന്നു. 

ആറാം തീയതി നടന്ന സംസ്ഥാന ഭാരവാഹി യോഗത്തില്‍നിന്ന് ശശീന്ദ്രന്‍ പക്ഷം വിട്ടുനിന്നിരുന്നു. പി.സി ചാക്കോയുടെ നേതൃത്വത്തെ അംഗീകരിക്കില്ലെന്ന് ശശീന്ദ്രന്‍ പക്ഷം അറിയിച്ചിരുന്നു. ഈ വരുന്ന 18ാം തിയ്യതി വിളിച്ചിരുന്ന യോഗത്തിലും പങ്കെടുക്കില്ലെന്ന ശശീന്ദ്രന്‍ പക്ഷം അറിയിച്ചിരുന്നു.