ദോഹ: കെഎംസിസി ഖത്തര്‍ സംസ്ഥാന സീനിയര്‍ വൈസ് പ്രസിഡണ്ട് കെ മുഹമ്മദ് ഈസ (70) അന്തരിച്ചു. ന്യൂമോണിയ ബാധിതനായി ചികിത്സയിലിരിക്കെ ഇന്ന് പുലർച്ചെ ഹമദ് മെഡിക്കൽ കോർപറേഷൻ ആശുപത്രിയിലായിരുന്നു അന്ത്യം.

വെച്ചായിരുന്നു അന്ത്യം. ഖബറടക്കം ഇന്നു രാത്രി 7.00 മണിക്ക് ഖത്തറിലെ അബൂഹമൂര്‍ ഖബര്‍ സ്ഥാനില്‍  നടക്കും. ജീവകാരുണ്യ പ്രവര്‍ത്തനങ്ങളിലും മത, സാമൂഹിക രംഗത്തും കലാ, സാംസ്‌കാരിക മേഖലകളിലും നിറസാന്നിധ്യമായിരുന്നു മുഹമ്മദ് ഈസ.

മലപ്പുറം കുറ്റിപ്പുറം സ്വദേശിയാണ്. ഖത്തർ കെഎംസിസി സീനിയർ വൈസ് പ്രസിഡൻ്റ് ആയിരുന്ന ഈസ അലി ഇൻറർനാഷനൽ ഗ്രൂപ്പ് ജനറൽ മാനേജറാണ്.

തിരുവനന്തപുരം സിഎച്ച് സെന്റര്‍ വൈസ് പ്രസിഡണ്ട്, പെരിന്തല്‍മണ്ണ സിഎച്ച് സെന്റര്‍ ട്രഷറര്‍, ചൂലൂര്‍ സിഎച്ച് സെന്റര്‍ വൈസ് ചെയര്‍മാന്‍ തുടങ്ങിയ നിരവധി ജീവകാരുണ്യ സ്ഥാപനങ്ങളുടെ പ്രധാന ഭാരവാഹിത്വം വഹിച്ചു വരികയായിരുന്നു അദ്ദേഹം.

ഭാര്യ: നസീമ, മക്കള്‍: നൗഫല്‍ മുഹമ്മദ് ഈസ, നാദിര്‍ ഈസ, നമീര്‍ ഈസ, റജില. മരുമകന്‍: ആസാദ്.