കോഴിക്കോട്: ചോദ്യപേപ്പർ ചോർച്ച വിവാദത്തിൽ പ്രതികരണവുമായി സൈലം ഡയറക്ടർ ലിജീഷ് കുമാർ. ചോദ്യപേപ്പർ ചോർത്തിയിട്ടില്ലെന്ന് ഡയറക്ടർ വ്യക്തമാക്കി. പല പരീക്ഷകൾക്കും മുൻവർഷത്തെ ചോദ്യങ്ങൾ തന്നെ ആവർത്തിക്കുകയാണെന്നും അത് കുട്ടികൾക്ക് പറഞ്ഞുകൊടുക്കുകയാണ് സൈലം ചെയ്യുന്നതെന്നും അദ്ദേഹം പറഞ്ഞു.

ചോദ്യങ്ങളുടെ പാറ്റേൺ മാറുമ്പോൾ അത് നേരിടാൻ കുട്ടികളെ പ്രാപ്തരാക്കുകയാണ് സൈലം ചെയ്യുന്നതെന്നും, അത് ഇനിയും തുടരുമെന്നും ലിജീഷ് കുമാർ വ്യക്തമാക്കി.

അതേസമയം, ക്രിസ്മസ് ചോദ്യപേപ്പർ ചോർത്തിയത് എംഎസ് സൊല്യൂഷൻസ് തന്നെയെന്ന് ക്രൈംബ്രാഞ്ച് കണ്ടെത്തിയിരുന്നു. ക്രൈംബ്രാഞ്ചിന്റെ പ്രാഥമിക അന്വേഷണത്തിലാണ് കണ്ടെത്തൽ. ചോദ്യപേപ്പറിനെ കുറിച്ചുള്ള പ്രവചനമാണ് നടത്തിയതെന്ന എംഎസ് സൊല്യൂഷൻ സിഇഒ ഷുഹൈബിൻ്റെ വാദത്തിനെതിരാണ് ക്രൈംബ്രാഞ്ചിന്റെ കണ്ടെത്തൽ.

The director of the Xylem has responded to the question paper leak controversy, addressing concerns over the incident.