സിങ്കപ്പുര്‍: ലോക ചെസ് ചാംപ്യന്‍ഷിപ്പ് ഫൈനലിലെ അഞ്ചാം പോരാട്ടവും സമനിലയില്‍ കലാശിച്ചു. നിലവിലെ ലോക ചാംപ്യന്‍ ചൈനയുടെ ഡിങ് ലിറനും ഇന്ത്യയുടെ യുവ താരം ഡി ഗുകേഷുമാണ് ലോക ചാംപ്യന്‍ പട്ടത്തിനായി ഏറ്റുമുട്ടി കൊണ്ടിരിക്കുന്നത്. അഞ്ചാം പോരില്‍ ഗുകേഷ് വെളുത്ത കരുക്കളുമായാണ് പോരാട്ടത്തിനിറങ്ങിയത്.

40 നീക്കങ്ങള്‍ക്കൊടുവിലാണ് മത്സരം സമനിലയില്‍ പിരിയാന്‍ ഇരുവരും തീരുമാനിച്ചത്. ഇരുവര്‍ക്കും 2.5 പോയിന്റ് വീതമുണ്ട് ഇപ്പോൾ. 5 പോയിന്റുകളാണ് ലോക ചാംപ്യനാകാന്‍ ഇനി ഇരുവർക്കും വേണ്ടത്.

ഒന്നാം പോരാട്ടം ജയിച്ച് ഡിങ് ലിറന്‍ തുടങ്ങിയെങ്കിലും ഗുകേഷ് മൂന്നാം മത്സരത്തില്‍ ജയം പിടിച്ച് ഒപ്പമെത്തി. അതിനിടെ രണ്ടാം പോരാട്ടം ഇരുവരും സമനിലയില്‍ പിരിഞ്ഞിരുന്നു. പിന്നാലെയാണ് നാലും അഞ്ചും പോരാട്ടം സമനിലയിൽ അവസാനിച്ചത്.