കുവൈത്ത് സിറ്റി ഡിസംബര്‍ ഒന്നിന് നടക്കുന്ന ജിസിസി ഉച്ചകോടി വിജയകരമാക്കാനുള്ള നടപടിക്രമങ്ങള്‍ പൂര്‍ത്തികരിച്ചതായി അധികൃതര്‍ അറിയിച്ചു. ഉച്ചകോടിക്ക് മുന്നോടിയായി ചേര്‍ന്ന ജിസിസി മന്ത്രിതല കൗണ്‍സില്‍ യോഗത്തില്‍ കുവൈത്ത് വിദേശകാര്യ വകുപ്പ് മന്ത്രി അബ്ദുള്ള അല്‍ യഹ്യ അധ്യക്ഷത വഹിച്ചു. കൗണ്‍സിലിന്റെ 162ാം യോഗമാണ് ഇന്ന് ചേര്‍ന്നത്. ഉച്ചകോടി പ്രദേശിക സഹകരണത്തിന്റെ നാഴികക്കല്ലാകുമെന്ന് ജിസിസി സെക്രട്ടറി ജനറല്‍ ജാസിം അല്‍ ബുദൈവി ചടങ്ങില്‍ പറഞ്ഞു.

റോഡുകളിലും കെട്ടിടങ്ങളിലുമായി ഉച്ചകോടിയെ സ്വാഗതം ചെയ്തും ജിസിസി രാജ്യങ്ങളുടെ ശക്തമായ ബന്ധത്തെ സൂചിപ്പിക്കുന്നതുമായ പരസ്യ പ്രചാരണങ്ങള്‍ ഉയര്‍ന്നിട്ടുണ്ട്. വാര്‍ത്താ വിതരണ മന്ത്രാലയത്തിന്റെ നേത്യത്വത്തില്‍ മാളുകളിലും കെട്ടിടങ്ങളിലും ഡിജിറ്റല്‍ രൂപത്തിലും സ്വാഗത സന്ദേശം പ്രദര്‍ശിപ്പിക്കുന്നുണ്ട്. മീഡിയ സെന്ററിന്റെ ഉദ്ഘാടനം ഇന്‍ഫോര്‍മേഷന്‍ വകുപ്പ് മന്ത്രി അബ്ദുള്‍ റഹ്മാന്‍ അല്‍ മുതൈരി ഇന്നലെ നിര്‍വഹിച്ചു. ഉച്ചകോടിയോട് അനുബന്ധിച്ച് രാജ്യത്ത് ഞായറാഴ്ച സര്‍ക്കാര്‍ അവധി പ്രഖ്യാപിച്ചിട്ടുണ്ട്.

Kuwait has announced a public holiday on December 1, tomorrow, in preparation for the GCC Summit