യാംബു: യാംബുവിനും ഷാര്‍ജക്കുമിടയിലുള്ള വിമാന സര്‍വിസുകള്‍ പുനരാരംഭിക്കാന്‍ എയര്‍ അറേബ്യ. മലയാളികളടക്കമുള്ള യാംബുവിലെ ഇന്ത്യന്‍ പ്രവാസികള്‍ നാട്ടിലെത്താന്‍ കൂടുതല്‍ ആശ്രയിച്ചിരുന്ന ബജറ്റ് എയര്‍ലൈനായ എയര്‍ അറേബ്യയെയാണ്. ഒരു വര്‍ഷം മുമ്പാണ് ചില സാങ്കേതിക കാരണങ്ങളാല്‍ എയര്‍ അറേബ്യ ഈ റൂട്ടിലെ സര്‍വീസ് നിര്‍ത്തിവെച്ചത്. തിങ്കള്‍, ബുധന്‍, ശനി ദിവസങ്ങളിലായിരുന്നു നേരത്തെ സര്‍വിസ്. 

കഴിഞ്ഞ ഡിസംബറില്‍ ഖത്തര്‍ എയര്‍വേയ്‌സ് ഈ റൂട്ടില്‍ സര്‍വിസ് ആരംഭിച്ച പശ്ചാത്തലത്തില്‍ സര്‍വിസ് ഷെഡ്യൂളുകളില്‍ മാറ്റം വേണമെന്ന എയര്‍പോര്‍ട്ട് അതോറിറ്റിയുടെ നിര്‍ദേശം പാലിക്കാന്‍ സാധിക്കാതെ വന്നപ്പോഴാണ് എയര്‍ അറേബ്യ താല്‍ക്കാലികമായി സര്‍വിസ് നിര്‍ത്തിവെച്ചത്. പുനരാരംഭിക്കുമ്പോള്‍ ആഴ്ചയില്‍ രണ്ട് സര്‍വിസായിരിക്കും. വ്യാഴം, ശനി ദിവസങ്ങളില്‍ രാവിലെ 9.45ന് ഷാര്‍ജയില്‍നിന്ന് പുറപ്പെട്ട് രാവിലെ 11.55ന് യാംബുവിലും തിരികെ ഉച്ചക്ക് 12.55ന് പുറപ്പെട്ട് വൈകീട്ട് 4.25ന് ഷാര്‍ജയിലും എത്തും വിധമാണ് സര്‍വിസ് ക്രമീകരണം.

ബജറ്റ് എയര്‍ലൈന്‍ ആയതിനാല്‍ യാത്രാചെലവ് കുറവാണെന്നതിനാലും, കണക്ഷന്‍ വിമാനങ്ങള്‍ വഴിയാണെങ്കിലും യാംബുവില്‍നിന്ന് കോഴിക്കോട്ടേക്കും കൊച്ചിയിലേക്കുമൊക്കെ എയര്‍ അറേബ്യ സര്‍വിസുണ്ടാകും എന്നതുമാണ് ഈ മേഖലയിലെ മലയാളി യാത്രക്കാര്‍ക്കുള്ള ആശ്വാസം.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Air Arabia has announced the resumption of its services to Yanbu, Saudi Arabia, providing passengers with enhanced connectivity options to this key destination. The airline aims to strengthen its presence in the region with this reinstated route.