നിലമ്പൂര്‍: പിവി അന്‍വര്‍ എം.എല്‍.എക്കെതിരെ കൊലവിളി നടത്തി സിപിഎം പ്രവര്‍ത്തകര്‍. അന്‍വറിന്റെ മണ്ഡലമായ നിലമ്പൂരില്‍ നടത്തിയ പ്രതിഷേധ പ്രകടനത്തിലാണ് കൊലവിളി ഉയര്‍ന്നത്. 

'ഗോവിന്ദന്‍ മാഷ് കൈ ഞൊടിച്ചാല്‍ കൈയും, കാലും വെട്ടി ചാലിയാര്‍ പുഴയില്‍ എറിയുമെന്നായിരുന്നു' മുദ്രാവാക്യം. പ്രകടനത്തിനിടെ സിപിഎം പ്രവര്‍ത്തകര്‍ അന്‍വറിന്റെ കോലം കത്തിക്കുകയും ചെയ്തു. മലപ്പുറം ജില്ലയിലെ മറ്റ് ഏരിയ കമ്മിറ്റികളിലും സമാനമായ പ്രതിഷേധങ്ങള്‍ നടന്നു. 

അതേസമയം, കൊലവിളി മുദ്രാവാക്യത്തില്‍ പ്രതികരണവുമായി അന്‍വര്‍ രംഗത്തെത്തി. ' വയനാട് ദുരന്തത്തില്‍ ചാലിയാറില്‍ കുറേ കൈയ്യും, കാലും ഇനിയും കിട്ടാനുണ്ട്. എന്റെ കൈയ്യും കാലും അതില്‍ ഒന്നാവട്ടെ,' എന്നായിരുന്നു അന്‍വര്‍ പറഞ്ഞത്.

മുദ്രാവാക്യം വിളിക്കുന്ന പ്രവര്‍ത്തകരുടെ മനസ് തനിക്കൊപ്പമാണ്. പ്രകടനം നടത്താന്‍ അവര്‍ നിര്‍ബന്ധിതരായതാണ്. ഇന്നലെ വൈകീട്ട് പോലും തന്നോട് സംസാരിക്കുകയും ചായ കുടിക്കുകയും ചെയ്തവര്‍ പോലും ആ കൂട്ടത്തിലുണ്ടെന്നും പിവി അന്‍വര്‍ പറഞ്ഞു.

Hand and foot will be cut off and thrown into the chaliar CPM workers made a threat slogans against anwar