കൊച്ചി: സിനിമ ചിത്രീകരണത്തിനിടെയുണ്ടായ കാറപകടത്തിൽ അഞ്ചു പേര്‍ക്ക് പരുക്കേറ്റു. നടൻമാരായ അർജുൻ അശോകൻ, മാത്യു തോമസ്, സംഗീത് പ്രതാപ്, രണ്ട് ബൈക്ക് യാത്രികർ എന്നിവർക്കാണ് പരുക്കേറ്റത്. ആരുടേയും പരുക്ക് ഗുരുതരമല്ല. നടന്മാർ സഞ്ചരിച്ച കാർ തലകീഴായി മറിയുകയായിരുന്നു. കൊച്ചി എം.ജി റോഡിൽ വെച്ച് ഇന്ന് പുലർച്ചെയാണ് അപകടം.

പുലർച്ചെ 1.30ഓടെ എം.ജി റോഡിൽ വെച്ച് സിനിമ ചിത്രീകരിക്കുന്നതിനിടെയായിരുന്നു അപകടം ഉണ്ടായത്. അർജുനും സംഘവും സഞ്ചരിച്ച കാര്‍ 
നിയന്ത്രണം വിട്ട് തലകീഴായി മറിയുകയും മുന്നിലുണ്ടായിരുന്ന കാറിലിടിക്കുകയും ചെയ്തു. ഈ കാര്‍ റോഡരികില്‍ നിര്‍ത്തിയിട്ടിരുന്ന ഫുഡ‍് ഡെലിവറി ബോയുടെ ബൈക്കിലിടിച്ചു. തലകീഴായി മറിഞ്ഞ കാര്‍ മുന്നോട്ട് നീങ്ങി ബൈക്കുകളിലും ഇടിച്ചാണ് നിന്നത്.

അർജുനും സംഘവും ഉണ്ടായിരുന്ന കാർ ഓടിച്ചിരുന്നത് സിനിമയുടെ സ്റ്റണ്ട് മാസ്റ്ററാണെന്നും റിപ്പോർട്ടുണ്ട്. ബ്രൊമാൻസ് എന്ന സിനിമയുടെ ചിത്രീകരിക്കുന്നതിനിടെ ആയിരുന്നു അപകടം. പരുക്കേറ്റവരെ ആശുപതിയിൽ ചികിത്സയ്ക്കായി മാറ്റി.