ജിദ്ദ: ഒറവം പുറത്ത് കൊല്ലപ്പെട്ട യൂത്ത് ലീഗ് പ്രവർത്തകൻ ഷമീറിന് വേണ്ടി മഞ്ചേരി മണ്ഡലം കെ എം സി സി ജിദ്ദ കെ എം സി സി സെൻട്രൽ കമ്മറ്റി ഓഡിറ്റോറിയത്തിൽ വെച്ച് പ്രാർത്ഥനാ സദസ്സും അക്രമ രാഷ്ട്രീയത്തിനെതിരെയുള്ള പ്രതിഷേധ യോഗവും സംഘടിപ്പിച്ചു. കീഴാറ്റൂർ പഞ്ചായത്ത് ഗ്ലോബൽ കെ എം സി സി പ്രസിഡൻറ് മാനു പട്ടിക്കാടിൻ്റെ അധ്യക്ഷതയിൽ ചേർന്ന യോഗം ജിദ്ദ സെൻട്രൽ കമ്മറ്റി ആക്ടിംങ്ങ് പ്രസിഡൻ്റ് വി.പി മുസ്ഥഫ ഉദ്ഘാടനം ചെയ്തു. സെൻട്രൽ കമ്മറ്റി ജനറൽ സെക്രട്ടറി അബുബക്കർ അരിമ്പ്ര മുഖ്യ പ്രഭാഷണം നടത്തി.

   സഊദി നാഷണൽ കമ്മറ്റി സെക്രട്ടറിയേറ്റ് അംഗം നാസർ വെളിയംകോട്, മക്ക കെ എം സി സി ജനറൽ സെക്രട്ടറി മുജീബ് പൂക്കോട്ടൂർ, ജിദ്ദ മലപ്പുറം ജില്ല കെ എം സി സി ജനറൽ സെക്രട്ടറി ഹബീബ് കല്ലൻ, പാണ്ടിക്കാട് ഗ്ലോബൽ കെ എം സി സി പ്രസിഡൻറ് മൂസ്സ പട്ടത്ത്, കീഴാറ്റൂർ പഞ്ചായത്ത് ഗ്ലോബൽ കെ എം സി സി ട്രഷറർ ഷിഹാബ് വി.പി, അഷ്റഫ് ഒറവം പുറം, ഷാഹിദ് ഒറവംപുറം തുടങ്ങിയവർ സംസാരിച്ചു. ഇബ്രാഹിം ബദ്രി തൃക്കലങ്ങോട് ഖിറാഅത്ത് നടത്തി. സെക്രട്ടറി സുഹൈൽ ടി പി സ്വാഗതവും ട്രഷറർ മുഹമ്മദ് കുട്ടി പാണ്ടിക്കാട് നന്ദിയും പറഞ്ഞു.