ബ്രസീലിയൻ ലീഗിൽ വാസ്കോഡഗാമക്കെതിരെ സാന്റോസ് വമ്പൻ തോൽവിയാണ് ഏറ്റുവാങ്ങിയത്. മത്സരത്തിൽ എതിരില്ലാത്ത ആറ് ഗോളുകൾക്കായിരുന്നു സാന്റോസ് പരാജയപ്പെട്ടത്. സാന്റോസിന്റെ ബ്രസീലിയൻ സൂപ്പർതാരം നെയ്മർ തന്റെ ഫുട്ബോൾ കരിയറിൽ നേരിട്ട ഏറ്റവും വലിയ തോൽവിയായിരുന്നു ഇത്. ഈ കനത്ത തോൽവിക്ക് പിന്നാലെ മത്സരശേഷം നെയ്മർ കണ്ണീരോടെ ഗ്രൗണ്ട് വിടുകയായിരുന്നു. മത്സരശേഷം ഗ്രൗണ്ടിൽ വികാരഭരിതനായതിനെക്കുറിച്ച് നെയ്മർ തുറന്നു പറഞ്ഞിരുന്നു. ഇതുപോലൊരു തോൽവി ഇതിനുമുമ്പ് താൻ നേരിട്ടില്ലെന്നും ടീമിനായി തനിക്കൊന്നും ചെയ്യാൻ സാധിച്ചില്ലെന്നുമാണ് നെയ്മർ മത്സരശേഷം പറഞ്ഞത്. 

''അങ്ങേയറ്റം നാണക്കേടാണ് തോന്നുന്നത്. എന്റെ ജീവിതത്തിൽ ഒരിക്കലും ഇങ്ങനെയൊരു സംഭവം നടന്നിട്ടില്ല. നിർഭാഗ്യവശാൽ ഇത് സംഭവിച്ചു. എന്റെ കണ്ണുനീർ കോപത്തിൽ നിന്നായിരുന്നു. എനിക്ക് എല്ലാ തരത്തിലും ടീമിനെ സഹായിക്കാൻ സാധിച്ചില്ല. ഇത് വളരെ മോശമായിരുന്നു'' നെയ്മർ സ്പോർട്സ്ബൈബിളിനോട് പറഞ്ഞു.

മത്സരത്തിൽ വാസ്കോഡഗാമക്കായി ലൂക്കാസ് പിറ്റൺ (18), ഡേവിഡ് കൊറയ ഡാ ഫോൺസെക്ക (21) ഫിലിപ്പെ കുട്ടീഞ്ഞോ (54, 62), റയാൻ (60), ഡാനിലോ നെവസ് (83) എന്നിവരാണ് ഗോളുകൾ നേടിയത്. നിലവിൽ ബ്രസീലിയൻ ലീഗിൽ സാന്റോസ് പതിനഞ്ചാം സ്ഥാനത്താണ്. 19 മത്സരങ്ങളിൽ നിന്നും ആറ് വിജയവും മൂന്ന് സമനിലയും 10 തോൽവിയും അടക്കം 21 പോയിന്റാണ് സാന്റോസിന്റെ കൈവശമുള്ളത്. 

അതേസമയം ഈ വർഷമാദ്യമാണ് നെയ്മർ ബ്രസീലിയൻ ലീഗിലേക്ക് ചേക്കേറിയത്. ആറ് മാസത്തെ കരാറിലാണ് നെയ്മർ അൽ ഹിലാലിൽ നിന്നും സാന്റോസിലെത്തിയത്.2023ൽ പരുക്കേറ്റതിന് പിന്നാലെ അൽ ഹിലാലിനൊപ്പം ഒരുപാട് മത്സരങ്ങൾ നെയ്മറിന് നഷ്ടമായിരുന്നു.

2023ൽ ഉറുഗ്വായ്ക്കെതിരെ നടന്ന വേൾഡ് കപ്പ്‌ യോഗ്യത മത്സരത്തിലായിരുന്നു നെയ്മറിന് പരുക്ക് പറ്റിയിരുന്നത്. ഇതിനു പിന്നാലെ താരം ശസ്ത്രക്രിയയ്ക്ക് വിധേയനാവുകയും ഫുട്ബോളിൽ നിന്നും നീണ്ട കാലത്തോളം പുറത്താവുകയുമായിരുന്നു. ബ്രസീലിയൻ ക്ലബ്ബിനായി 19 മത്സരങ്ങളിൽ നിന്നും ആറ് ഗോളുകളും മൂന്ന് അസിസ്റ്റുകളുമാണ് നെയ്മർ നേടിയിട്ടുള്ളത്. 

Santos suffered a heavy defeat against Vasco da Gama in the Brazilian league. Santos lost the match by six goals. Neymar Opens This Heavy Defeat After The Match.