തിരുവനന്തപുരം: നെടുമങ്ങാട്ട് പെട്രോൾ പമ്പിൽ ബഹളമുണ്ടാക്കിയ സംഘം പോലീസിനെ ആക്രമിച്ച സംഭവത്തിൽ നാല് പേർ അറസ്റ്റിൽ. അരുവിക്കര സ്വദേശിനി അനിത, മഞ്ച സ്വദേശി ജഗ്ഗു എന്ന സുജിത്ത്, അൻവർ, അരവിന്ദ് എന്നിവരാണ് പിടിയിലായത്.

കഴിഞ്ഞ ദിവസം രാത്രി 10 മണിയോടെ നെടുമങ്ങാട് പതിനൊന്നാം കല്ലിലെ പെട്രോൾ പമ്പിൽ കാറിലെത്തിയ അഞ്ചംഗ സംഘം ജീവനക്കാരെ ഭീഷണിപ്പെടുത്തി അക്രമം കാട്ടി. പോലീസ് എത്തിയപ്പോൾ സംഘം ഓടി രക്ഷപ്പെട്ടെങ്കിലും, സമീപത്തെ നഗരസഭ പാർക്കിങ് ഗ്രൗണ്ടിൽ ഒളിച്ചിരുന്നവരെ പിടികൂടാൻ ശ്രമിക്കവേ പോലീസിനെ ആക്രമിച്ചു. എഎസ്ഐ ഷാഫിക്കും കോൺസ്റ്റബിൾ അഭിലാഷിനും പരിക്കേറ്റു.

നെടുമങ്ങാട് പോലീസിന്റെ തുടർനടപടിയിൽ നാല് പേരെ കസ്റ്റഡിയിലെടുത്തു, ഒരാൾ രക്ഷപ്പെട്ടു. അനിത ലഹരിക്കടത്ത് സംഘത്തിലെ പ്രധാന കണ്ണിയാണെന്നും ജില്ലയിലെ വിവിധ സ്റ്റേഷനുകളിൽ ഇവർക്കെതിരെ നിരവധി കേസുകളുണ്ടെന്നും പോലീസ് വെളിപ്പെടുത്തി. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.

A clash at a Nedumangad petrol pump led to the arrest of four individuals, including Anitha, a key figure in a drug trafficking gang. The group, which included Sujith (alias Jaggu), Anwar, and Aravind, threatened staff and attacked police. The incident occurred at 10 PM when the group arrived in a car and turned violent. Two officers, ASI Shafi and Constable Abhilash, were injured. One suspect fled, but the arrested were remanded after court appearance.