കുടുംബശ്രീക്ക് കീഴിൽ ജോലി നേടാൻ അവസരം. എറണാകുളം ജില്ലയിൽ കുടുംബശ്രീ മുഖേന നടപ്പിലാക്കി വരുന്ന വിവിധ പദ്ധതികളുടെ ബ്ലോക്ക് തലത്തിലുള്ള നിർവ്വഹണത്തിനായി നിലവിലെ ബ്ലോക്ക് കോ-ഓർഡിനേറ്റർ (ഐബിസിബി എഫ്‌ഐ എംഐഎസ്) ഒഴിവിലേക്കാണ് അപേക്ഷ വിളിച്ചിട്ടുള്ളത്. ഒരു വർഷത്തേയ്ക്ക് കരാർ അടിസ്ഥാനത്തിലായിരിക്കും നിയമനം.  താൽപര്യമുള്ളവർ മെയ് 08ന് മുൻപായി അപേക്ഷ നൽകണം. 

പ്രായപരിധി: 2025 മാർച്ച് 31 ന് 35 വയസിൽ താഴെ പ്രായമുള്ളവരായിരിക്കണം. 

ശമ്പളം: തെരഞ്ഞെടുക്കപ്പെടുന്നവർക്ക് ശമ്പളമായി  20,000 രൂപ ലഭിക്കും. 

യോ​ഗ്യത

വനിതകൾക്ക് മാത്രമാണ് അപേക്ഷിക്കാനാവുക. ഡി​ഗ്രി കൂടെ കമ്പ്യൂട്ടർ പരിജ്ഞാനം നിർബന്ധം (എം.എസ് വേഡ്, എക്‌സൽ). അപേക്ഷകർ കുടുംബശ്രീ അംഗം/കുടുംബാംഗം/ഓക്സിലറിയിൽ ഉൾപ്പെട്ടവരായിരിക്കണം. 

അപേക്ഷിക്കുന്ന ബ്ലോക്കിലെ സ്ഥിരതാമസക്കാർ, തൊട്ടടുത്ത ബ്ലോക്കിൽ താമസിക്കുന്നവർ/ജില്ലയിൽ താമസിക്കുന്നവർ എന്നിവർക്ക് മുൻഗണന നൽകും.

ബന്ധപ്പെട്ട മേഖലയിൽ പ്രവൃത്തി പരിചയം ഉളളവർക്ക് മുൻഗണന.

ALSO READ: കേരള സർക്കാർ ഇൻഡസ്ട്രിയൽ ഡെവലപ്പ്മെന്റ് കോർപ്പറേഷനിൽ ജോലി; 40,000 ശമ്പളം വാങ്ങാം; സമയം തീരുന്നു Read more 

അപേക്ഷ

താൽപര്യമുള്ളവർ കുടുംബശ്രീ ജില്ലാമിഷൻ ഓഫീസിൽ നിന്ന് നേരിട്ടോ വെബ്‌സൈറ്റിൽ നിന്നോ അപേക്ഷ ഫോം ഡൗൺലോഡ് ചെയ്ത് പൂരിപ്പിക്കുക. ശേഷം പൂരിപ്പിച്ച് പരീക്ഷാഫീസായി ജില്ലാ മിഷൻ കോ-ഓർഡിനേറ്റർ, എറണാകുളം ജില്ലയുടെ പേരിൽ മാറാവുന്ന 200 രൂപയുടെ ഡിമാന്റ് ഡ്രാഫ്റ്റ് സഹിതം മെയ് 08ന്  വൈകുന്നേരം അ‍ഞ്ചിന് മുൻപായി ചുവടെ നൽകിയ വിലാസത്തിലേക്ക് അയക്കണം. 

ജില്ലാമിഷൻ കോ-ഓർഡിനേറ്റർ, കുടുംബശ്രീ, എറണാകുളം സിവിൽ സ്റ്റേഷൻ, രണ്ടാം നില കാക്കനാട്, പിൻ-682030

പൂരിപ്പിച്ച അപേക്ഷക്കൊപ്പം വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ്, ഫോട്ടോ അടങ്ങിയ അഡ്രസ് പ്രൂഫ് എന്നിവയുടെ സ്വയം സാക്ഷ്യപ്പെടുത്തിയ പകർപ്പുകളും, അയൽക്കൂട്ട അംഗം/കുടുംബാംഗം/ഓക്സിലറി ഗ്രൂപ്പ് അംഗം ആണെന്നതിനും വെയ്റ്റേജ് മാർക്കിന് അർഹതപ്പെട്ട അപേക്ഷക ആണെന്നതിനും സിഡിഎസിന്റെ സാക്ഷ്യപത്രവും ഡിമാന്റ് ഡ്രാഫ്റ്റും വെയ്‌ക്കേണ്ടതാണ്.

അപേക്ഷ സമർപ്പിക്കുന്ന കവറിനു മുകളിൽ കുടുംബശ്രീ ബി.സി- മൂന്ന് ഒഴിവിലേക്കുള്ള അപേക്ഷ എന്ന് വ്യക്തമായി രേഖപ്പെടുത്തണം.

coordinator job recruitment in kudumbashree apply before may 08

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

കൂടുതല്‍ Career വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക