ഐപിഎല്ലിൽ കഴിഞ്ഞ ദിവസം നടന്ന മത്സരത്തിൽ രാജസ്ഥാൻ റോയൽസിനെതിരെ റോയൽ ചലഞ്ചേഴ്സ് ബെംഗളൂരു തകർപ്പൻ വിജയമാണ് സ്വന്തമാക്കിയത്. 11 റൺസിനായിരുന്നു ആർസിബിയുടെ വിജയം. മത്സരത്തിൽ ആദ്യം ബാറ്റ് ചെയ്ത ആർസിബി 20 ഓവറിൽ അഞ്ചു വിക്കറ്റ് നഷ്ടത്തിൽ 205 റൺസ് ആണ് നേടിയത്. വിജയലക്ഷം പിന്തുടർന്നിറങ്ങിയ രാജസ്ഥാന്റെ ഇന്നിംഗ്സ് 20 ഓവറിൽ ഒമ്പത് വിക്കറ്റ് നഷ്ടത്തിൽ 194 റൺസിൽ അവസാനിക്കുകയായിരുന്നു.

മത്സരത്തിൽ ആർസിബിക്ക് വേണ്ടി വിരാട് കോഹ്‌ലി അർദ്ധ സെഞ്ച്വറി നേടി മികച്ച പ്രകടനമാണ് കാഴ്ചവെച്ചത്. 42 പന്തിൽ എട്ട് ഫോറുകളും രണ്ട് സിക്സുകളും ഉൾപ്പെടെ 70 റൺസ് ആണ് വിരാട് നേടിയത്. ഇപ്പോൾ വിരാടിന്റെ ഈ പ്രകടനങ്ങളെ പ്രശംസിച്ചുകൊണ്ട് സംസാരിക്കുകയാണ് മുൻ ഇന്ത്യൻ താരം സുരേഷ് റെയ്ന.കോഹ്‌ലി ടി-20 ഫോർമാറ്റിൽ നിന്നും നേരത്തെ തന്നെ വിരമിച്ചു എന്നും 2026ലെ ടി-20 ലോകകപ്പ്  കളിക്കാൻ കഴിയുമായിരുന്നു എന്നുമാണ് റെയ്ന അഭിപ്രായപ്പെട്ടത്. സ്ലാം ബാങ്ങിൽ സംസാരിക്കുകയായിരുന്നു റെയ്ന. 

"അദ്ദേഹം നേരത്തെ വിരമിച്ചു 2026 ടി-20 ലോകകപ്പിൽ കോഹ്‌ലി കളിക്കേണ്ടതായിരുന്നു. 2025ലെ ഐസിസി ചാമ്പ്യൻ ട്രോഫി അദ്ദേഹത്തിന്റെ പ്രകടനം നമ്മൾ കണ്ടതാണ്. വിക്കറ്റിനിടയിലുള്ള അദ്ദേഹത്തിന്റെ ഓട്ടവും ഐപിഎല്ലിലെ പ്രകടനവും കാണിക്കുന്നത് അദ്ദേഹത്തിന് ഇനിയും ഒരുപാട് ക്രിക്കറ്റ്‌ കളിക്കാൻ ബാക്കിയുണ്ടെന്നാണ്" റെയ്ന പറഞ്ഞു. 

2024ലെ ഇന്ത്യയുടെ ടി-20 ലോകകപ്പ് വിജയത്തിന് പിന്നാലെയാണ് വിരാട് കോഹ്‌ലി കുട്ടി ക്രിക്കറ്റിൽ നിന്നും വിരമിക്കൽ പ്രഖ്യാപിച്ചത്. കോഹ്‌ലിക്ക്‌ പുറമേ രോഹിത് ശർമ, രവീന്ദ്ര ജഡേജ എന്നിവരും ടി-20 ഫോർമാറ്റിൽ നിന്നും ഈ സമയത്ത് വിരമിക്കൽ പ്രഖ്യാപിച്ചിരുന്നു. ചിന്തിക്കുവേണ്ടി ആറ് ടി-20 ലോകകപ്പുകളിലാണ് കോഹ്‌ലി കളിച്ചിട്ടുള്ളത്.

ടി-20 ലോകകപ്പിൽ 1292 റൺസ് ആണ്  വിരാട് അടിച്ചെടുത്തിട്ടുള്ളത്. ടി-20 ലോകകപ്പിന്റെ ചരിത്രത്തിൽ ഏറ്റവും കൂടുതൽ റൺസ് നേടിയ താരവും ടി-20 ലോകകപ്പിന്റെ ഒരു പതിപ്പിൽ ഏറ്റവും കൂടുതൽ റൺസ് നേടിയ താരവും കോഹിലി തന്നെയാണ്.  ഇന്ത്യയ്ക്കായി 125 ടി-20 മത്സരങ്ങളിൽ കളത്തിൽ ഇറങ്ങിയ കോഹ്‌ലി 4188 റൺസാണ് സ്വന്തമാക്കിയിട്ടുള്ളത്. കുട്ടിക്രിക്കറ്റിൽ ഒരു സെഞ്ച്വറിയും 38 അർദ്ധ സെഞ്ച്വറികളുമാണ്‌ താരം നേടിയത്.

Suresh Raina Praises Virat Kohli Performance in T20 Cricket