കെട്ട് കുടുങ്ങുന്ന മുടിയാണ് എല്ലാവരുടെയും പ്രശ്‌നം. കെട്ടുകുടുങ്ങാത്ത മുടിയുമായി ഉണരുന്നത് തന്നെ നമുക്ക് സന്തോഷമുള്ള കാര്യമാണ്. പക്ഷേ, രാത്രിയില്‍ മുടി കെട്ടിവയ്ക്കുന്നത് മുടിയ്ക്ക് നല്ലതാണോ.?  ഉറങ്ങാന്‍ പോകുമ്പോള്‍ മുടി എങ്ങനെയാണ് കെട്ടിവയ്ക്കുന്നത് എന്നത് അതിന്റെ ആരോഗ്യത്തിലും ശക്തിയിലും വളര്‍ച്ചയിലും വലിയ മാറ്റമുണ്ടാക്കും. 

നല്ല സുഖകരമായ ഉറക്കത്തിനായി മുടി കെട്ടിവയ്ക്കുന്നവരാണ് കൂടുതല്‍ പേരും. എന്നാല്‍ ഈ ശീലം മുടിക്ക് നല്ലതാണോ? എപ്പോഴെങ്കിലും ചിന്തിച്ചിട്ടുണ്ടോ..? 

ഉറങ്ങുമ്പോള്‍ മുടി കെട്ടിവയ്ക്കുന്നത് മുടിയുടെ ആരോഗ്യത്തിനും ശക്തിക്കും വളര്‍ച്ചയ്ക്കും വലിയ മാറ്റമുണ്ടാക്കുമെന്നാണ് പഠനങ്ങള്‍ പറയുന്നത്. 

കെട്ടിക്കുടുങ്ങല്‍

രാത്രിയില്‍ മുടി അയഞ്ഞ രീതിയില്‍ കെട്ടിവയ്ക്കുന്നത് മുടിയുടെ അറ്റം പിളരാനുള്ള സാധ്യത വര്‍ധിപ്പിക്കും. മാത്രമല്ല, മുടികൊഴിച്ചിലിനും ഇതു കാരണമാവാം.

അയഞ്ഞ രീതിയില്‍ മുടി കെട്ടുമ്പോള്‍ മുടി ഫ്രിസായി നില്‍ക്കുന്നത് കുറയും. പ്രത്യേകിച്ചും ചുരുണ്ട മുടിയുള്ളവരാണെങ്കില്‍. മുടിയുടെ മിനുസമാര്‍ന്ന ഘടനയും നിലനിര്‍ത്തും. 

മുറുകെ കെട്ടിവച്ചാല്‍ 

മുടി വളരെ മുറുക്കി കെട്ടിവച്ചാല്‍ മുടി കൊഴിയാനും വേരുകളില്‍ കേടുപാടുകളുണ്ടാവാനും കാരണമാവും. അതിനാല്‍ കെട്ടിവയ്ക്കാതെ അയഞ്ഞ രീതിയിലിടുക. 

രക്ത ചംക്രമണം

രാത്രിയിലുണ്ടാകുന്ന ഇറുകിയ ഹെയര്‍ സ്റ്റൈലുകള്‍ ആരോഗ്യകരമായ രക്തപ്രവാഹത്തെ തടസ്സപ്പെടുത്തുന്നതാണ്. അങ്ങനെ വരുമ്പോള്‍ കാലക്രമേണ മുടി ദുര്‍ബലമാവുകയും ചെയ്യുന്നു.

വിയര്‍പ്പിന്

ഇറുകിയതും മുറുകിയതുമൊക്കെ വിയര്‍പ്പിനു കാരണമാവാം. അതിലൂടെ മുടിയില്‍ താരന്‍, തലയോട്ടിയിലെ പ്രകോപനം എന്നിവയ്ക്കു നയിക്കുന്നു. 

ആക്‌സസറികള്‍

ലോഹങ്ങള്‍, ഇലാസ്റ്റിക് ബാന്‍ഡുകള്‍ തുടങ്ങിയവ മുടിയില്‍ ഇടുന്നത് മുടി കേടുവരുത്തുന്നവയാണ്. പകരം മൃദുവായ സ്‌ക്രഞ്ചികള്‍, സില്‍ക്ക് ടൈകള്‍, സാറ്റിന്‍ റാപ്പുകള്‍ എന്നിവ  ഉപയോഗിക്കാവുന്നതാണ്. 

അയഞ്ഞ ബ്രെയ്ഡുകളോ പോണി ടെയിലുകള്‍ കെട്ടുന്നതും നിങ്ങളുടെ മുടിയിഴകളെ വൃത്തിയായി സൂക്ഷിക്കുന്നതാണ്.