2025ലെ കീം പരീക്ഷ മറ്റന്നാള്‍ ആരംഭിക്കും. എഞ്ചിനീയറിങ്, ഫാര്‍മസി കോഴ്‌സുകളിലേക്കുള്ള പ്രവേശന പരീക്ഷയായ കീം ഏപ്രില്‍ 23 മുതലാണ് ആരംഭിക്കുക. കമ്പ്യൂട്ടര്‍ അധിഷ്ഠിത സിബിടി മോഡിലാണ് പരീക്ഷ നടക്കുക. ഏപ്രില്‍ 23 മുതല്‍ 29 വരെയാണ് നടക്കുക. സംസ്ഥാനത്തെ എല്ലാ ജില്ലകളിലും പരീക്ഷ കേന്ദ്രങ്ങളുണ്ട്. 

കീം 2025ന്റെ അഡ്മിറ്റ് കാര്‍ഡ് ഇതിനോടകം വിദ്യാര്‍ഥികള്‍ക്ക് ഓണ്‍ലൈനായി ലഭ്യമാക്കിയിട്ടുണ്ട്. ഇത്തവണ എഞ്ചിനീയറിങ് കോഴ്‌സിന് 97,759 പേരും, ഫാര്‍മസി കോഴ്‌സിന് 46,107 പേരുമാണ് അപേക്ഷ നല്‍കിയത്. 

എഞ്ചിനീയറിങ് പരീക്ഷ 23നും, ഫാര്‍മസി പരീക്ഷ 24 മുതലും ആരംഭിക്കും. 

ALSO READ: കീം; അഡ്മിറ്റ് കാര്‍ഡ് ഡൗണ്‍ലോഡ് ചെയ്യാം; പരീക്ഷ 23ന് ആരംഭിക്കും Read more 

വിദ്യാര്‍ഥികള്‍ അഡ്മിറ്റ് കാര്‍ഡിന് പുറമെ തിരിച്ചറിയല്‍ രേഖയും കൈവശം വെയ്ക്കണം. ഇതിനായി ഡ്രൈവിങ് ലൈസന്‍സ്, പാസ്‌പോര്‍ട്ട്, പാന്‍ കാര്‍ഡ്, ഇലക്ഷന്‍ ഐഡി, ഫോട്ടോ പതിപ്പിച്ച ഹാള്‍ടിക്കറ്റ്, വിദ്യാര്‍ഥി പ്ലസ് ടു പഠനം പൂര്‍ത്തിയാക്കിയ സ്ഥാപന മേധാവി നല്‍കുന്ന വിദ്യാര്‍ഥിയുടെ ഫോട്ടോ സാക്ഷ്യപ്പെടുത്തിയ സര്‍ട്ടിഫിക്കറ്റ് അല്ലെങ്കില്‍ ഒരു ഗസറ്റഡ് ഓഫീസര്‍ നല്‍കുന്ന ഫോട്ടോ സാക്ഷ്യപ്പെടുത്തിയ സര്‍ട്ടിഫിക്കറ്റ് എന്നിവയില്‍ ഏതെങ്കിലും കൈവശം വെയ്ക്കണം. 

അഡ്മിറ്റ് കാര്‍ഡ് ഇതുവരെ ഡൗണ്‍ലോഡ് ചെയ്യാത്തവര്‍ എത്രയും വേഗം www.cee.kerala.gov.in സന്ദര്‍ശിച്ച് ഡൗണ്‍ലോഡ് ചെയ്യുക. സംശയങ്ങള്‍ക്ക് 0471 252 5300, 233 2120, 233 8487 എന്നീ നമ്പറുകളില്‍ ബന്ധപ്പെടാവുന്നതാണ്. 

KEAM 2025 exam will begin on the 23rd. Examination centers are available in all districts. Along with the admit card, candidates must also carry the required documents.

കൂടുതല്‍ Education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

കൂടുതല്‍ കരിയര്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക