എസ്കെഎസ്എസ്എഫ് നാഷണൽ ക്യാംപസ് വിംഗിന് കീഴിൽ സംഘടിപ്പിച്ച "തൻസീൽ" ദേശീയ ഖിറാഅത്ത് മത്സരത്തിന് പ്രൗഢമായ സമാപനം. വിവിധ സംസ്ഥാനങ്ങളിലെ 12 യൂണിവേഴ്സിറ്റികളിൽ നടന്ന ക്യാംപസ് തല മത്സരങ്ങളിൽ നിന്ന് ആദ്യ മൂന്നു സ്ഥാനങ്ങൾ നേടിയവരായിരുന്നു ദേശീയ തലത്തിൽ മാറ്റുരച്ചത്.  മത്സരത്തിൽ ഹൈദരാബാദ് ഇഫ്ലു സർവകലാശാല വിദ്യാർത്ഥി ബഷീർ അഹമ്മദ് (ആസാം) ചാംപ്യൻ പട്ടം കരസ്ഥമാക്കി. ഹൈദരാബാദ് സർവകലാശാല വിദ്യാർത്ഥി മുഹമ്മദ് റാഷിദ് (കേരളം), അലിഗഢ് മുസ്‌ലിം സർവകലാശാല വിദ്യാർത്ഥി മുഹമ്മദ് മുസമ്മിൽ (ഉത്തർപ്രദേശ്) എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. ഹാഫിള്
സൽമാൻ ഫൈസി, ഹാഫിള് റാഷിദ് ഫൈസി എന്നിവരുടെ നേതൃത്വത്തിലുള്ള വിദഗ്ധ സമിതിയാണ് വിജയികളെ തിരഞ്ഞെടുത്തത്. ആദ്യ മൂന്നു സ്ഥാനക്കാരും അബുദാബി സുന്നി സെന്റർ നൽകുന്ന ക്യാഷ് അവാർഡിന് അർഹരാകും. ദേശീയ തലത്തിലേക്ക് യോഗ്യത നേടിയ മുഴുവൻ പേർക്കും സർട്ടിഫിക്കറ്റുകളും നൽകും. 

നാലു മുതൽ പത്ത് സ്ഥാനങ്ങൾ വരെ നേടിയവർ യഥാക്രമം: മുഹമ്മദ് അരീബ് ഉത്തർപ്രദേശ് (മനു ഹൈദരാബാദ്), മുഹമ്മദ് ആഷിഖുർ ഖാസി വെസ്റ്റ് ബംഗാൾ (ആലിയ സർവകലാശാല), മുഹമ്മദ് ഇഹ്സാൻ തമിഴ്നാട് (പോണ്ടിച്ചേരി സർവകലാശാല), ഹിലാൽ റാഷിദ് ഉത്തർപ്രദേശ് (അലിഗഢ് മുസ്‌ലിം സർവകലാശാല), അനസ് പി കേരളം (അലിഗഢ് മുസ്‌ലിം സർവകലാശാല), മുഹമ്മദ് ഷാരിഖ് ആലം ബീഹാർ (മനു ഹൈദരാബാദ്), റഫീഖുൽ ഹസൻ ബൈദ്യ വെസ്റ്റ് ബംഗാൾ (ആലിയ സർവകലാശാല).